亞坤 (已結業)

今日行開尖沙咀，突然想食咖椰多，好邪地腦中想起好多負評的亞坤，又見到冇乜人但門口整條排隊帶，心想而家唔使排隊唔試試等幾時？於是昂首進入店舖，期待美食但卻是惡夢的開始...先找了個好位置，然後排隊購買食物，點了咖椰西多、馬拉撈面、檸檬薏米及凍鴦。好快個面來了，個汁味道單調，只有甜味沒有花生香味又沒有期待的馬拉香料味，衰過7仔的味精撈面。之後20分鐘d嘢食都仲未嚟，追了兩次先話漏單。又等了8分鐘，個咖椰多來了，得一片薄薄方包加一兜綠色醬，個醬只有甜味，西多無蛋香，油Lum Lum, 真係好L難食。唯一飲得落嘅係檸檬薏米水，因為起碼我喺杯度都搵得返檸檬及少量薏米。杯凍鴦我追多次後到了，個女仔放落枱時話凍啡，我話我叫凍鴦，佢攞返水吧再攞返同一杯嚟話攪錯咗，話凍鴦先真，見佢一臉純真，信佢一啖飲落去，全啡一d茶味都無，當人味蕾有問題。全程店舖經理係咁鬧店面女仔。我心諗算喇，跌$算喇。坦白講，亞坤只是屋村快餐店味道，但標名牌茶記價錢，小學雞服務質素，完全沒有能力在香港立足。如果佢仲可以撐多一年我會日日去食食足一個月來懲罰自己。