上海婆婆336 (iSQUARE國際廣場)

營業中

休息中

約咗朋友食晏，有年幾無見，會有好多嘢傾。選定了尖咀，再上OR 睇吓有咩好食，朋友未食過呢間，於是就去試。我地叫咗小籠包，雪菜炒粉皮，擔擔麵同酸辣湯。酸辣湯OK 足料，夠酸唔太辣，最緊要係唔會太杰。小籠包，皮薄，多湯汁，好食。雪菜炒粉皮，呢個係比較少見，粉皮通常做冷盤，好少用黎炒，估唔到又幾好食喎，粉皮滑身，亦唔會黏埋一齊，雪菜惹味。擔擔麵則失色，好杰，麻同辣都遜色，麵唔夠彈牙，浸一陣已發脹。環境幾舒適，好適合邊食邊傾偈。