三木韓國料理

是日放工後，同兩個韓國上司，幾個同事一齊去三木食韓野～差唔多成8點幾，大家都肚餓到不得了，所以就係韓國呀珠媽既帶領下入左去～第一次去果時因為係成間公司一齊去食，所以就入左房，但今次得６個人，所以就係出面食。叫左３樣野，一個係部隊鍋，一個係海鮮煎餅，一個係보쌈. 類似係中式燒肉咁既款～　包生菜同Ｄ　醬食既!部隊鍋偏咸，不過叫左飯，所以都中和返個咸味，同埋叫左可樂飲，如果唔係真係咸死人ＸＤ服務方面，就無早前去果間韓國料理店咁好，呢度係自己ＳＥＲＶＥ自己。所以韓上司就負責煮部隊鍋Ｄ麵，我地就負責幫佢傳佢分配左在碗既麵～一路就係度傾計，真係好鬼開心，同韓國人去食韓國野比起自己去食個感覺唔同好多。食到一半既時候，呀珠媽就拎左個蒸蛋比我地，每一次黎都有，感覺真係人間有情，要知道好多韓國人孓然一身，平時除左出去食好Ｄ之外，返到屋企咪又係自己煮公仔麵～　所以通常Ｄ餐廳都會特別照顧一下～就好似我去到其他地方既中式餐廳，都有特別服務一樣　^^總括黎講，佢D伴菜好多同埋好新鮮，仲有個鮮蠔泡菜，真係好特別~下次如果同朋友去食，黎開尖沙嘴又想食韓野既話都會選擇呢間既~