一寿司 (已結業)

由2230開始排黑夜壽司，排左大概15分鐘就有位啦！！通常都會等到黑夜壽司時段先去食壽司，因為咁先抵食！可以盡情咁叫好多貴價既壽司，但係價錢都係平時既一半～雖然壽司係半價左，不過質素無下降，仍然好新鮮，好大件，同正價時段惠顧的質素一樣，名符其實係大件夾抵食。佢既三文魚壽司係我既最愛,又厚,加上塊三文魚入口即融,用呢個價錢食到呢個水準既壽司實在好抵!!佢仲有D 火灸三文魚同火灸芝士三文魚壽司都好特別,口感好夾!!下次可去食!仲有出單既速度都好快，ORDER完等左一陣就有得食！！整體黎講，黑夜壽司十分扺食，係宵夜既最佳之選。