我想和你無所事事 (PopCorn 2)

營業中

休息中

行開將軍澳，喺Popcorn入面見到有間幾得意嘅野飲鋪頭，門口有大大個謝曬皮嘅插畫，鋪名又咁鬼死長，大大咁吸引左我嘅注意。依度野飲種類都幾多，珍珠奶茶、水果茶、黑糖珍珠鮮奶嗰啲都有，水果茶嘅名仲好盞鬼添。今次我就試下佢嘅熱珍珠鮮奶鐵觀音烏龍(走甜)。除左隻杯靚之外，個味道都唔錯㗎！走甜之後茶味好出，用上鮮奶感覺比平時嘅奶精更加健康。欣賞佢連珍珠都唔太甜，咬落煙韌，唔太稔亦唔太硬，總括黎講算係唔錯。