太子餅店 (已結業)

去年同媽慶祝生日都係係太子餅店o既九龍塘分店買件裝海綿蛋糕，今年就貪方便係將軍澳店買。我共買左四款海綿蛋糕，共八件，包括芒果凍餅、藍莓乳酪蛋糕、鮮士多啤梨蛋糕及紅豆綠茶卷。藍莓乳酪蛋糕: 藍莓係用新鮮o既，藍莓醬唔算太甜，乳酪同藍莓混埋一齊整，味道好有藍莓味，仲有啲藍莓粒食下，甜度適中，蛋糕底夠鬆軟。鮮士多啤梨蛋糕: 士多啤梨好新鮮，唔只係蛋糕面果二片，連夾心忌廉裡面o既士多啤梨都係好新鮮，粒粒果肉。粉紅色o既忌廉好吸引，且有有濃濃o既士多啤梨味，忌廉甜度適中，並增添滑順口感。海綿蛋糕鬆軟，甜度剛好。紅豆綠茶卷: 成件蛋糕好似冇配料咁，紅豆份量得幾粒，唔算甜，蛋糕面放左o既糖粉做裝飾，好似幾靚咁，且唔甜。蛋糕中間夾左忌廉做餡，味道適中，唔會太甜，蛋糕口感紮實左同乾左啲，且完全食唔到綠茶味，呢款係咁多款中最差。