影片
更多
2015-02-23
5090 瀏覽
每年其中一個最煩惱的日子--「母親節」又到喇~~~又貴又難食又無服務又擠迫又未夠鐘就趕客走的恐怖經歷, 相信大家都遇過... 好彩今年「母親節」之前幾日係佛誕假期, 我地一家可以提早慶祝, 避過大刧, 但遇上小刧係少不免的...大姊比咗2個Choices, 太子鳳城同元朗季季紅... 嘩!!! 南地交通咁麻煩, 緊係第一時間揀太子啦!!! 雖然食過一次好麻麻地... (後尾先知原來元朗市中心新開咗季季紅, 唔洗入到南地)紅色假期都可以訂7:30pm, Good~ 其他餐廳只准許訂6-8pm或8-10pm時段, 一係太早, 一係太遲, 最老土係餸又上得慢, 未夠鐘就趕人走, 呢度就無呢個問題...最大問題都只係 1) 嘈爆 2) 迫爆 3) 無事先預訂雞翼同布甸係無得食的 4) 拆破喉嚨說什麼也聽不到的老伯伯服務員~ 鹵水豬腳仔-- 大姊說是出名的, 又真係幾好味, 沒有豬膻味, 柔軟富彈性, 鹵水不會死鹹, 伴酒一流... 窩貼明蝦-- 雖說是名物, 但我真的不喜歡... 其實已經比上次來吃有很大改善, 最少是脆身的, 不會油淋淋... 炸粉果-- 名物Again... 軟淋淋+無味餡
每年其中一個最煩惱的日子--「母親節」又到喇~~~又貴又難食又無服務又擠迫又未夠鐘就趕客走的恐怖經歷, 相信大家都遇過... 好彩今年「母親節」之前幾日係佛誕假期, 我地一家可以提早慶祝, 避過大刧, 但遇上小刧係少不免的...
大姊比咗2個Choices, 太子鳳城同元朗季季紅... 嘩!!! 南地交通咁麻煩, 緊係第一時間揀太子啦!!! 雖然食過一次好麻麻地... (後尾先知原來元朗市中心新開咗季季紅, 唔洗入到南地)
紅色假期都可以訂7:30pm, Good~ 其他餐廳只准許訂6-8pm或8-10pm時段, 一係太早, 一係太遲, 最老土係餸又上得慢, 未夠鐘就趕人走, 呢度就無呢個問題...
最大問題都只係 1) 嘈爆 2) 迫爆 3) 無事先預訂雞翼同布甸係無得食的 4) 拆破喉嚨說什麼也聽不到的老伯伯服務員~
鹵水豬腳仔
-- 大姊說是出名的, 又真係幾好味, 沒有豬膻味, 柔軟富彈性, 鹵水不會死鹹, 伴酒一流...
窩貼明蝦
-- 雖說是名物, 但我真的不喜歡... 其實已經比上次來吃有很大改善, 最少是脆身的, 不會油淋淋...
炸粉果
-- 名物Again... 軟淋淋+無味餡料, Not my cup of tea again... 其實我唔太喜歡食炸o野, 除非好好味, 同埋炸完要一滴油都無...
梅菜扣肉
-- 唔入味, 唔夠腍, 唔係5層腩, 肥多過廋, 唯一抵讚係梅菜不會死鹹或死甜, 仍是撈飯良伴...
生炒骨-- 最受小朋友歡迎, 一上枱即時V嘩鬼叫, 夾咗2件落佢地碗都唔滿足, 十足2隻係雀巢餓咗好耐的雀仔, 餵極都仲吱吱喳喳...
玉蘭炒吊片-- 吊片有點硬, 沒有鮮味, 玉蘭卻新鮮幼嫩, 淨玉蘭呀唔該...
瑤柱雜菜煲-- 印象中, 我一啖都無食過就唔見咗, 我呢隻食肉獸應該係執返o黎嘅, 點解我的屋企人咁鐘意食菜o架...
炸子雞(半隻)-- 個樣好靚仔, 皮薄脆, 肉地厚, 灑點檸檬汁已好夠味, 食咗1舊雞肶肉都幾彈牙...
今晚無煎藕餅, 又無訂西米布甸, 噢撈...
食到中場, 再加餸...
紅燒豆腐
-- 大家都有疑問, 點解紅燒豆腐會有叉燒?!!
炒魚肚
-- 除咗蛋同火腿同芽菜, 見唔到其他o野...
中式牛柳-- Who R U?!! I'm not sure~
乳豬雙拼-- 乳豬皮好脆, 肥膏不多, 肉地厚, 啱我心水... 姪女話佢剩係要皮, 玩o野呀, 點樣剩係比塊皮你呀!!! 今次姑媽當耳邊風, 唔理佢, 一於自己刷刷刷...
鳳城炒飯
-- 問咗幾個職員有咩餡料都無人答, 是但啦, 叫來試試, 味道還可以, 不夠乾身...
姪仔人仔細細, 由頭食到尾, 慌死比人食晒, 自己隻手又唔夠長又唔夠力, 成日學人用手轉個轉盤見到心儀食物越來越少, 又轉唔郁個轉盤, 表情鬼咁肉緊, 笑死...
12個餸+1個炒飯先$1750, 仲無收切餅費, 臨近母親節的公眾假期, 都算係咁...
張貼
