影片
更多
2012-09-05
11 瀏覽
近今很多傳統茶餐都翠華化, 行ISO, 講系統, 機械式, 攻內地, 做自由行生意, 抄場狂風掃落葉, 以最高效推最高生意額。 呢個蛋撻, 係我媽媽生日既 “hi tea”。 別的孩子都帶媽媽去酒店, 分子料理也好, 總要給媽媽一個切合時宜, 鋪係飛卜夠題面既macaron, 推高膽固醇的scone, 不合長輩傳統口味的chamomile tea。 而我們小時候吃什麼? 吃蛋撻, 菠蘿油, 餐肉蛋麵; 喝的是凍/熱O 茶, 奶T。 媽媽說: 你4歲我帶你尼呢度, 你話要去麥當勞。 幾十年後, 我同媽媽又坐在同一個地方, 吃同一個蛋撻, 飲同一樣味兒的O水。 細個蛋撻太大食唔晒比媽咪, 大個媽咪膽固醇高meet一半比我; 好像什麼都沒有變一樣。蛋撻皮鬆軟, 內裡蛋味香濃而滑, 我喜歡是皮, 酥皮未食過牛油皮非常鬆軟最外層有點脆身, 很多茶餐都給比下去。 奶茶絲般幼滑, 茶香比奶突出。這裡一樣的逼爆, 出爐菠蘿包從頭頂飛過, 3點無位答台, 卡位頂住肚腩, 而且要同對家用杯碟玩俄羅斯方塊。 菠蘿包永遠都要過隔離台問下有無先囉過尼, 雞亦餐永遠都咸左dd, 夥計永遠都係企都無位企, 但忙到問
呢個蛋撻, 係我媽媽生日既 “hi tea”。 別的孩子都帶媽媽去酒店, 分子料理也好, 總要給媽媽一個切合時宜, 鋪係飛卜夠題面既macaron, 推高膽固醇的scone, 不合長輩傳統口味的chamomile tea。 而我們小時候吃什麼? 吃蛋撻, 菠蘿油, 餐肉蛋麵; 喝的是凍/熱O 茶, 奶T。
媽媽說: 你4歲我帶你尼呢度, 你話要去麥當勞。
幾十年後, 我同媽媽又坐在同一個地方, 吃同一個蛋撻, 飲同一樣味兒的O水。 細個蛋撻太大食唔晒比媽咪, 大個媽咪膽固醇高meet一半比我; 好像什麼都沒有變一樣。
蛋撻皮鬆軟, 內裡蛋味香濃而滑, 我喜歡是皮, 酥皮未食過牛油皮非常鬆軟最外層有點脆身, 很多茶餐都給比下去。 奶茶絲般幼滑, 茶香比奶突出。
這裡一樣的逼爆, 出爐菠蘿包從頭頂飛過, 3點無位答台, 卡位頂住肚腩, 而且要同對家用杯碟玩俄羅斯方塊。 菠蘿包永遠都要過隔離台問下有無先囉過尼, 雞亦餐永遠都咸左dd, 夥計永遠都係企都無位企, 但忙到問候父母親都照樣有禮貌sorry sorry, 同埋認得熟客同你打個招呼。
就這樣B lee Ba la, 跟媽媽過了個下午。 我們講起自由行帶來的社會問題, 講起細個咬英文老師咬到佢入醫院, 講起20幾年前既冰廳點沖保謂爾。
晚上好像跟媽媽吃了個幾千蚊的fine dining; 晚上的媽媽好像沒下午那麼開心。 就這樣媽媽又老一年, 金華又過一年。
張貼
