老街 (西洋菜南街)

營業中

休息中

天氣開始轉熱，行行吓金魚街突然間肚仔餓。醒起鄰居熱烈推介呢一間台式餐廳。咁又好耐冇飲過珍珠奶茶，咁就入去試吓啦。下午茶同午餐對比份量差一段，咁又未食晏，咁就放棄咗下午茶。嗌咗個紅燒牛肉麵加咗一份小食鹽酥雞，因為侍應話呢個份量比起下午茶係會多啲嘅。先嚟咗杯珍珠奶茶走甜，一食落去啲珍珠就感覺到佢唔係黑糖珍珠，純粹過吓癮咬下珍珠就唔太在意。跟住個紅燒牛肉麵嚟啦，先飲一啖湯，點解個湯底有啲微酸嘅？ sorry我平時多數食台式嘢都係食滷肉飯真係好少食紅燒湯底，但冇特別去換。啲牛肉條無味。反而個鹽酥雞幾好食，個粉漿夠薄，即炸果然係唔同啲。