牧羊少年咖啡館 (白楊街)

營業中

休息中

成日經過都見到門口好多人等位，因為懶得等就一直都未試過，終於因為落雨而無咩人等，所以到我黎試下了。環境幾好，好多擺設同埋書，但燈光暗左少少。總共點左四樣野食，焗西蘭花、芝士薯條、海鮮PIZZA、比利時窩夫。焗西蘭花　－　等左好耐，Ｄ職員話即點即焗，所以需要時間，感覺焗得過左火，所以食落口有Ｄ老身，而且份量偏少。芝士薯條　－　Ｄ芝士醬係直接淋係薯條上面，份量都幾多，而且Ｄ芝士醬好香好有芝士味，又唔會有好膩的感覺，食食下覺得芝士醬唔夠，可以再問Ｄ職員拎。海鮮PIZZA　－　材料充足，每件PIZZA都有蝦，而且係配千島醬，批底好脆口，好好味，可惜唔可以轉芝心批或薄批。比利時窩夫　－　其實即係朱古力窩夫配OREO雪糕，窩夫好大份，有四件窩夫兩個雪糕球，窩夫睇落有Ｄ厚身，但唔會好紮實，反而好鬆軟，OREO雪糕好好味，配埋一齊無得頂。我覺得食物質數都幾好，都值得一試。