朝

營業中

休息中

今日喺太子做完嘢，見到好近地鐵站見到有間 “朝Asa” , 門面好有格調，出面又有得泊車，原來係食串燒居酒屋，決定入去試一試，餐廳地方唔係好大，地方好骨子，又乾淨，三五知己摸着酒杯底飲酒傾偈食串燒不錯選擇。餐牌選擇選擇都好多，好多都係可以佐酒的美食今天點餐燒味淋魚干-即係雞泡魚乾，鍾意佢唔會燒得太乾身，入口仲係煙煙韌韌。炸池魚仔醬燒豬腩片燒豬頸肉-豬頸肉好淋將燒雞腎蜜糖雞翼-燒得啱啱好，鍾意個皮脆脆地。醬燒靖魚-呢條靖魚好大條，分量十足。佢哋的串燒走醬汁路線，醬汁好有層次，醬汁味道大部份都非常濃郁，亦都可以將串燒食物味道帶出。最衰聽日要返工，所以只係叫咗一杯 柚子果酒 及 蜜桃果酒，下次放假可以約埋三五知己飲多幾杯，不錯選擇。