影片
更多
2024-04-20
11 瀏覽
好耐無食過串燒，咁啱搵到呢間好燒式，就行左入去試。入到餐廳，第一件事留意到就係店長的熱情。店長好殷切咁樣領我地入座，介紹餐廳既招牌菜。淨係服務態度已經好過依家普遍既串燒舖多多聲。我哋嗌咗好多串燒，咁我就揀其中三樣最好食嘅出嚟介紹俾大家。首先呢我想介紹呢個豬仔骨。呢個豬仔骨價錢合理而且佢嘅外皮烤得非常焦脆，啲肉好滑，好多汁，個頭幾大，絕對係抵食。佢嘅調味都非常之充足，食得出一陣好濃厚嘅孜然味。而且表皮上面嗰浸燶燶地嘅豬皮亦都食得出好有炭火味，非常之出色。之後我想介紹吓韭菜。平時返大陸食燒烤啲韭菜又鹹又油，食完之後第二日一定水腫，但係呢度嘅韭菜唔單止唔算好油膩，仲要調味啱啱好，唔會太鹹，亦都唔會太淡，火侯亦都掌握得好好。一串韭菜上面有好多條韭菜絕對係良心嘅份量，價錢上亦都算公道。個人覺得呢種韭菜加埋佢哋對火候嘅掌握，絕對係值得一試。最後想介紹一下佢地嘅白鱔。佢哋嘅白鱔食得出魚油好鮮好好食。佢哋嘅外皮都烤得好脆，咬落去呢就係外脆內軟嘅口感，非常值得一試。調味上面亦都係搽咗一浸鹽，再加上用炭火烤過導致到一層鹽嘅表面就溶咗喺條魚嘅表皮上面，咬落去就唔會話好集中咗喺一舊魚上面，導致到得一部份好鹹一
入到餐廳，第一件事留意到就係店長的熱情。店長好殷切咁樣領我地入座，介紹餐廳既招牌菜。淨係服務態度已經好過依家普遍既串燒舖多多聲。
我哋嗌咗好多串燒，咁我就揀其中三樣最好食嘅出嚟介紹俾大家。首先呢我想介紹呢個豬仔骨。呢個豬仔骨價錢合理而且佢嘅外皮烤得非常焦脆，啲肉好滑，好多汁，個頭幾大，絕對係抵食。佢嘅調味都非常之充足，食得出一陣好濃厚嘅孜然味。而且表皮上面嗰浸燶燶地嘅豬皮亦都食得出好有炭火味，非常之出色。
之後我想介紹吓韭菜。平時返大陸食燒烤啲韭菜又鹹又油，食完之後第二日一定水腫，但係呢度嘅韭菜唔單止唔算好油膩，仲要調味啱啱好，唔會太鹹，亦都唔會太淡，火侯亦都掌握得好好。一串韭菜上面有好多條韭菜絕對係良心嘅份量，價錢上亦都算公道。個人覺得呢種韭菜加埋佢哋對火候嘅掌握，絕對係值得一試。
最後想介紹一下佢地嘅白鱔。佢哋嘅白鱔食得出魚油好鮮好好食。佢哋嘅外皮都烤得好脆，咬落去呢就係外脆內軟嘅口感，非常值得一試。調味上面亦都係搽咗一浸鹽，再加上用炭火烤過導致到一層鹽嘅表面就溶咗喺條魚嘅表皮上面，咬落去就唔會話好集中咗喺一舊魚上面，導致到得一部份好鹹一部份冇味。黃鱔係非常新鮮，而且冇乜骨。加埋附送嘅檸檬汁可以做到解膩效果，非常之好食。
有機會一定會再次幫襯呢一間舖頭。真誠嘅服務加埋難忘嘅美味，絕對係令人回頭嘅。
張貼
