一喜‧涮涮鍋

營業中

休息中

呢間「一喜·涮涮鍋」餐廳位於康怡商場裡面，連接地鐵站B出口，可以話係非常方便。呢度嘅檯與檯之間唔會太窄，坐得幾舒服嘅！呢度嘅菇類、丸類、小食都係喺出面同任攞，擺得好整齊企理。值得一讚係佢哋啲蔬菜係一兜兜擺喺雪櫃，既衛生又新鮮！我同朋友都係牛魔王，我地一致覺得「美國CAB 牛肩肉」同牛小排都好新鮮，牛肉同脂肪比例唔錯，相當好好食！我地encore左好幾碟。湯底選擇有辣有唔辣！甜品有個專門嘅甜品雪櫃，啲泡芙、蛋糕仔、布甸都唔會太甜，幾好味！雪糕櫃裡面除左有明治雪條任食，更加有Cocoberry嘅特色口味雪糕，例如海鹽味雪糕，正呀！