影片
更多
2024-02-21
15 瀏覽
轉眼就踏入咗婚姻呢條_ _路3年🤣就算開始睇對方唔順眼都好，週年還是要過，佢荷包還是要出血😌自從上次試過同棟另一間omakase，發覺天后原來都有好多幾吸引既餐廳，今次揀呢一間餐廳完全係俾佢個景吸引咗先🤩係頂樓位置仲有個小天台可以俯瞰晒成個維港，呢個景都值啦！！！企到差啲唔記得咗要入座食飯🤣今次就揀咗個鐵板燒set，價格好相宜料理台後方係一幅日本富士山嘅油畫，非常eye catching!!!事不宜遲第一道前菜係白松露鮟鱇魚肝多士，鮟鱇魚肝醬味道好濃郁，配上脆口既多士呢個配搭簡直perfect🤩旁邊嘅日本蕃茄配淡雪鹽，少少鹹味令到蕃茄更加甘甜大大隻既岩手縣既赤崎生蠔，配上柚子酸汁啫喱；真鯛配淡雪鹽刺身同吞拿魚赤身。呢兩款海鮮無論係配搭定新鮮度上都一流，非常開胃呢道菜係我全晚既最高評價🖐🏻新鮮嘅吞拿魚蓉加埋炙燒過嘅左口魚，配上滋脆既鱈魚片，兩款魚既魚味唔衝突，豐富既魚油令到口感好豐腴，絕對值得為呢到菜返嚟煎刺身級元貝配紫菜木魚湯，加埋三文魚子，味道非常鮮甜，每種食材原本既鮮甜作為天然既調味，調和的好好沙巴虎蝦煎香後加上由蝦蟹膏煮成嘅醬汁，濃郁既鮮蝦膏加上肉質爽口彈牙既虎蝦，伴碟既龍珠果仲
自從上次試過同棟另一間omakase，發覺天后原來都有好多幾吸引既餐廳，今次揀呢一間餐廳完全係俾佢個景吸引咗先🤩係頂樓位置仲有個小天台可以俯瞰晒成個維港，呢個景都值啦！！！
企到差啲唔記得咗要入座食飯🤣今次就揀咗個鐵板燒set，價格好相宜
料理台後方係一幅日本富士山嘅油畫，非常eye catching!!!
事不宜遲第一道前菜係白松露鮟鱇魚肝多士，鮟鱇魚肝醬味道好濃郁，配上脆口既多士呢個配搭簡直perfect🤩旁邊嘅日本蕃茄配淡雪鹽，少少鹹味令到蕃茄更加甘甜
大大隻既岩手縣既赤崎生蠔，配上柚子酸汁啫喱；真鯛配淡雪鹽刺身同吞拿魚赤身。呢兩款海鮮無論係配搭定新鮮度上都一流，非常開胃
呢道菜係我全晚既最高評價🖐🏻新鮮嘅吞拿魚蓉加埋炙燒過嘅左口魚，配上滋脆既鱈魚片，兩款魚既魚味唔衝突，豐富既魚油令到口感好豐腴，絕對值得為呢到菜返嚟
煎刺身級元貝配紫菜木魚湯，加埋三文魚子，味道非常鮮甜，每種食材原本既鮮甜作為天然既調味，調和的好好
沙巴虎蝦煎香後加上由蝦蟹膏煮成嘅醬汁，濃郁既鮮蝦膏加上肉質爽口彈牙既虎蝦，伴碟既龍珠果仲可以解膩，配搭唔錯👍🏻
鵝肝多士一般都係配黑醋汁，今次係配鮮藍莓醬汁，除咗酸甜味之外，額外仲多咗浸果香味，中和返鵝肝既膩
鵝肝煎到外脆內軟，外層係好薄既脆，鵝肝咬開後入口即溶，諗起都肚餓🥹
美國安格斯牛柳有薄切同牛柳粒兩款，個人比較喜歡薄切，因為裡面包住蒜片，口感同味道上比較豐富，牛柳粒就比較濃牛味
作為一個專業嘅飯桶，我要宣布呢個係我食過最好食既炒飯！！
粒粒分明係基本，蟹肉加上白松露油同新鮮黑松露炒，飯香加上油香同黑松露既獨特香味，簡直就係色香味俱全既炒飯
炒雜菜都好有誠意🥹我諗好多人都試過坊間好多鐵板燒嘅餐廳，去到最尾嘅炒雜菜都只係普通嘅炒雜菜🫠
呢度嘅炒雜菜首先非常之整齊(強迫症既處女座表示100分！🤣
重中之重係旁邊嘅醬，係蒜頭芝麻同日式醬油煮成，口感同味道上都好似XO醬，不過就唔辣，好惹味！
吸物係魚湯，奶白色既魚湯配上油揚，入口順滑舒爽，剛好可以幫唔飲魚湯嘅老公飲埋😌nice
抹茶布甸加上黃豆粉黑糖蕨餅，到最後一道甜品都唔馬虎，極之圓滿呀😻😻
張貼
