影片
更多
2014-09-06
258 瀏覽
朋友帶路，攞住支50年舊裝黑牌，來到此名不經傳的橫街小餐廳。雖然早打電話留位，但因小店只有幾張枱，所以要到隔壁酒吧先來一round.朋友發板, 先來黃酒醃生螄蚶, 好得. 黃酒完全帶出螄蚶鹹鮮. 試了一口黃酒, 唔係十幾蚊煮餸用酒. 一啖黑牌一隻螄蚶, 味道完全冇衝突.其他菜有沙白黃酒雞, 馬友煎肉餅, 蒸蝦, 班腩煲, 金銀蛋時菜, 椒鹽鮮魷.椒鹽鮮魷, 魷魚真係鮮魷, 脆漿涷左都脆, 冇淋. 最得係魷魚厚度切得好, 唔太厚, 令件鮮魷同椒鹽D味好平衡.有HEART之作.朋友識老闆, 自己走入廚房炒碟雞蛋. 一試,因係清炒, D蛋香好明顯, 問大廚, 佢話D蛋來自農場, 比一般雞蛋貴20-30%.最後埋單6百幾, 味道雖然唔算超級無敵, 但用料, 用心, 收費, 搭的士去食都抵.
朋友發板, 先來黃酒醃生螄蚶, 好得. 黃酒完全帶出螄蚶鹹鮮. 試了一口黃酒, 唔係十幾蚊煮餸用酒. 一啖黑牌一隻螄蚶, 味道完全冇衝突.
其他菜有沙白黃酒雞, 馬友煎肉餅, 蒸蝦, 班腩煲, 金銀蛋時菜, 椒鹽鮮魷.
椒鹽鮮魷, 魷魚真係鮮魷, 脆漿涷左都脆, 冇淋. 最得係魷魚厚度切得好, 唔太厚, 令件鮮魷同椒鹽D味好平衡.有HEART之作.
朋友識老闆, 自己走入廚房炒碟雞蛋. 一試,因係清炒, D蛋香好明顯, 問大廚, 佢話D蛋來自農場, 比一般雞蛋貴20-30%.
最後埋單6百幾, 味道雖然唔算超級無敵, 但用料, 用心, 收費, 搭的士去食都抵.
題外話/補充資料：
做街坊生意, 完全冇將貨就價. 一間小館都首先考慮以食物素材行先, 大集團真係要反省反省.
(以上食評乃用戶個人意見 , 並不代表OpenRice之觀點。)
張貼