花師奶 (已結業)

講親日本嘢 個個都係會諗到三文魚先 但其實三文魚並唔係日本人常食既野～日本既魚刺身有好多好多種 其中我最欣賞既其實係比較少人食既池魚!!朋友都知我有個咁既喜好 就介紹咗我來花師奶食池魚～ 其實之前一直都見到報紙有賣呢間既廣告 但係都一直以為佢係食蟹既 係就係吊腳左少少 不過朋友來過 都不至於迷路既... 不過我都好似問左好多句"到未架"其實今篇食評我只想講池魚 佢既池魚真係切得好夠薄身 塊塊都好通透 白裏透紅! 佢既池魚係原條上 所以份量絕對唔少 刺身片根本就係入口即融 鮮味十足 完全滿足晒我既池魚癮!!!!!!其他野食都OK既～ 但係當然冇我既池魚咁出色啦