東方小祇園菜館

營業中

休息中

原來坐巴士落大澳都好快，只需十零分鐘，不過班次疏落一個小時得一班車，去到大澳就先去醫肚，由巴士站行去南涌村都幾遠，不過天氣好條路又直都幾好行，行到村口有箭咀指示都好易揾。外邊睇唔知係餐廳，去到都幾full不過都揾到位。好多食客響大澳買咗海鮮拎嚟煮，不知收費如何？人數少只叫咗生炒骨、荔茸酥卷同八寶佛湯，生炒骨D排骨係即炸入口仲熱辣辣同脆口，水準算高，荔茸酥卷一樣係係即，雖然幾多油但係夠晒香口，八寶佛湯裡面有好多材料，個湯好清甜，無落味精飲完唔會口渴。地方較為偏僻但價錢與一般食肆無異，不過水準就比起市區好多食肆都高一綫。