更多
2012-12-14
326 瀏覽
呢D天氣最啱行山,所以今日就係昂坪至大澳,難得去咁遠緊係上Openrice搵定有乜必食啦,除左炭燒雞蛋仔同阿伯燒魷魚外……最後發現我地係見到乜就食乜,行到呢個大澳小食,見到香妃卷(英文叫China pizza)好似幾特別,嗰日都算多人排隊咁我地班朋友仔都排埋一份試下先。首先加麵粉漿再落一隻雞蛋搽滿表面再加蔥同芫茜(老闆娘會問芫茜要唔要),之後再落芝麻和菜脯再加醬汁同脆脆條條完成....老闆娘會問你要幾多份,會幫你分好入袋總結可能因為多人排隊,我地都抱左少少期望,但當咬第一啖就發現同自己想像o既味道有些少出入,唔可以話唔好食,只係唔知邊種材料有陣香料味(但肯定唔係芫茜同蔥)....不過去到大澳乜都要試下,試一試都無妨,都係二十蚊一份,好抵食!!
總結可能因為多人排隊,我地都抱左少少期望,但當咬第一啖就發現同自己想像o既味道有些少出入,唔可以話唔好食,只係唔知邊種材料有陣香料味(但肯定唔係芫茜同蔥)....不過去到大澳乜都要試下,試一試都無妨,都係二十蚊一份,好抵食!!
題外話/補充資料:
記得就算堂食都要係出面排隊買架...唔好話係入面坐得耐都無人招呼啊!
(以上食評乃用戶個人意見 , 並不代表OpenRice之觀點。)
張貼