PARK Cafe (已結業)

話說一路都無留意呢間舖頭，但係自從見到小店有參與罷工之後，就記住左之後要黎試下。下午茶時間無咩人流，另外枱同枱之間有距離，坐得幾舒服。今日order 左下午茶既蒜香炸雞翼同加多左份黑松露薯條。蒜香炸雞翼唔係落粉炸嗰隻，比較似煎雞翼，味道同pizza hut既一模一樣，好好味！另外雞翼仲跟左沙律菜，係羅馬生菜嗰類，唔係普通西生菜加生洋蔥絲，非常有心。黑松露薯條都非常有驚喜，估唔到本地西餐小店會有咁重黑松露味既薯條賣！我好好彩食左最尾一份，之後入黎既人無得食🤣！