陳漢記 (已結業)

近期食過幾次，粥粉麵飯之中以煲仔飯本人覺得較為好味，上次食過排骨滑雞飯$40-HK ， 今次食白鱔滑雞飯$50-HK另加兩條短臘腸$5-HK，共$55-HK 等了大約十分鐘，熱熱香噴噴的燙仔飯送到，未開蓋都聞到香味及少少飯焦香味。 先講飯：飯粒好靚，有咬口，水份控制得好好，飯唔會過爛，而煲飯時間及火候亦掌握得好好， 只有少少飯焦，絕無煲過龍，正呀..... 滑雞 ：雞好多肉，OK 肉幾滑，唔"鞋" ，肉在煲之前應該先醃過，雞肉內層好夠味，並唔係咬開後 裏面無味種。 白鱔 ：鱔好美味，唔"醒"，幾滑，正呀.... 臘腸 ：比較肥，本人喜歡較瘦的，但加$5-HK 就算啦.... 值得一讚是煲仔飯份量很足，足夠食晒煲飯，因本人較喜歡多，最怕飯多無！ 但其實價錢並不便宜，一煲飯加杯飲品，差不多成$70-HK 呀。