燚

《燚 (大埔)》今日係大日子，去食餐好西賀一賀，晏晝食呢間鐵板燒都幾抵，環境氣氛都好好😋🐟北海道煙三文魚沙律前菜食個沙律清一清口腔準備之後嘅主菜，三文魚煙薰味配埋沙律菜同泡泡醋汁夾得嚟好有新鮮感🦆魚子醬菠蘿鵝肝🍍呢個冷盤由三樣看似風馬牛不相及嘅食材組成，冷鵝肝無煎嘅咁油膩，鹹味嘅魚子醬配甜酸嘅菠蘿唔會好搶味，配搭比意想中出色😋🐟鐵板東昇斑鮑魚好彩有提前訂到枱，聽師傅講佢地嘅堅持係海鮮唔會擺過夜。如果午市要食海鮮就要提早講定，師傅當日去街市攞完貨就即時處理🥹難怪食落鮑魚肉質彈牙，東昇斑皮夠爽滑肉夠嫩滑，是滿滿嘅骨膠原同蛋白質🐣黑松露雞扒食完海鮮再嚟巨無霸雞扒😋係蛋白質嘅加加加大，松露醬嘅濃味配返嫩滑嘅雞扒大啖食落去之後味道係齒頰留香🤤🍚蛋炒飯 麵豉湯鹹點係由最簡單嘅蛋炒飯同落左手打豬肉丸嘅麵豉湯作結。蛋炒飯好似有手有腳都識整，但偏偏平凡中見不平凡，飯粒粒分明，炒得乾身有蛋香；麵豉湯入麵嘅豬肉丸彈牙，仲令到個湯香濃左。補多一句，當日由於個胃有啲唔舒服，師傅都好好咁見我想要多碗熱湯暖下胃就即刻比多碗我🫶🏻🍰可麗餅最最最後嘅係可麗餅做甜品，蛋漿調配嘅比例好好，令到餅皮煙韌唔易穿，包住滿滿嘅紅豆