榕基滷水專門店 1992

營業中

休息中

呢間大埔人氣滷水店由兩個九十後情侶接手，以新派經營方法去演繹傳統滷水美食，價錢不算太貴，食品質數高質，高性價比👍。有全日套餐同散叫，全日套餐都幾抵食，又多款式選擇，有雞，滷水鵝/鴨，豬，牛同滷肉套餐，重有四款小食可以揀 - 糖脆炒花生魚仔，川椒蓮藕丁，家鄉甜酸菜同爽脆醃蘿蔔，真係梗有一款啱你。招牌滷水獅頭鵝定食套餐 （$65）可以叫揀配白飯，潮州白粥，鮮鵝油撈麵或手工雞湯麵🍜我就揀了配手工雞湯麵🍜同川椒蓮藕丁，個手工雞湯麵🍜都幾大份，湯麵爽滑又彈牙，川椒蓮藕丁都幾麻香有少少辣同爽脆，個人幾喜歡💕。招牌滷水獅頭鵝，鵝肉肉質嫩口，滷水汁調味香濃又鹹甜，連骨都滷得非常入味👅。滷水鵝腸 （加$19）滷水鵝腸一樣滷得非常入味，有少許銀牙，鵝腸好爽口，正👍。百香果清香烏龍茶 （加$8）略甜同味道一般。師傅刀工好犀利，見到佢切得好輕鬆😌。