更多
2012-05-10
716 瀏覽
去完美國成個月，食足成個月垃圾，剛返黎幾日，好想打邊爐呀 ﹗稻香又無位，見小肥牛唔洗等，是但啦。前菜酸橋頭，濕下口啫，酸酸甜甜開開胃。打邊爐我一定要的混醬，沒有她的話，打邊爐都無晒味道喇 ﹗勁勁勁多指天椒做底，加生蒜、炸蒜，又香又辣，正呀 ﹗巨魚頭鍋湯底，隻大魚頭只係開邊無斬件真係好巨喎 ﹗先炸後餚湯，湯底有奶味有魚味，尚算清甜，滿意。試過晒咁多個湯底，最好都係魚頭或醉雞。係美國返左黎幾日已急不及待整個邊爐先得，過幾日再 BBQ。美國桶蠔，美國咒蠔呀 ﹗烚熱食一口，唔新鮮，氣味怪怪的、味道怪怪的。隔離枱想叫桶蠔，侍應話賣晒，莫非我地食緊既係最後一碟？﹗仲要得四舊？﹗食開係有六舊架 ﹗鮮四寶丸，墨魚、牛肉、鯪魚、豬肉，不過不失啦，口感接受，但鮮味欠奉，質量越來越差。手打墨魚滑，無咩特別，大路味道，都幾好食。本地肥牛，我唔想要依隻架，依度最貴又唔好食 ﹗口感一般，好淡既牛肉味，可接受 ﹗我要手切牛頸脊呀 ﹗美國肥牛，繼土瓜灣鴻福火鍋既硬直彎曲薯片形肥牛後，又一肥牛奇特造型喇。口感腍劈劈無趙口，算有點點牛味，但羶味更強勁 ﹗麻麻地，唔會再叫。竹笙，爽口，索晒湯汁同吃，無話會難食既。金菇，最討
前菜酸橋頭，濕下口啫，酸酸甜甜開開胃。
打邊爐我一定要的混醬，沒有她的話，打邊爐都無晒味道喇 ﹗勁勁勁多指天椒做底，加生蒜、炸蒜，又香又辣，正呀 ﹗
巨魚頭鍋湯底，隻大魚頭只係開邊無斬件真係好巨喎 ﹗先炸後餚湯，湯底有奶味有魚味，尚算清甜，滿意。試過晒咁多個湯底，最好都係魚頭或醉雞。係美國返左黎幾日已急不及待整個邊爐先得，過幾日再 BBQ。
美國桶蠔，美國咒蠔呀 ﹗烚熱食一口，唔新鮮，氣味怪怪的、味道怪怪的。隔離枱想叫桶蠔，侍應話賣晒，莫非我地食緊既係最後一碟？﹗仲要得四舊？﹗食開係有六舊架 ﹗
鮮四寶丸，墨魚、牛肉、鯪魚、豬肉，不過不失啦，口感接受，但鮮味欠奉，質量越來越差。
手打墨魚滑，無咩特別，大路味道，都幾好食。
本地肥牛，我唔想要依隻架，依度最貴又唔好食 ﹗口感一般，好淡既牛肉味，可接受 ﹗我要手切牛頸脊呀 ﹗
美國肥牛，繼土瓜灣鴻福火鍋既硬直彎曲薯片形肥牛後，又一肥牛奇特造型喇。口感腍劈劈無趙口，算有點點牛味，但羶味更強勁 ﹗麻麻地，唔會再叫。
竹笙，爽口，索晒湯汁同吃，無話會難食既。
金菇，最討厭只係切少少根部，慳得幾多呀，有渣又污糟點食啫 ﹗鮮菇好味。
生根，都係咁啦，無特別。
張貼
