影片
更多
2022-01-16
490 瀏覽
💝瑪姬皇后而家湊得掂屋企兩隻化骨龍🦖，終於咇到啲時間回復自由身出返黎飲飲食食喇。📌難得有機會出黎食野，熊妹緊係揾啲人氣爆登的餐廳同瑪姬皇后試下喇。呢排出名主打滑蛋多士的《E FOR EGG》咖啡小店位於大圍，都算係偏門少少的地方，可以一試又可以發掘下新地方。📌其實位置真係有啲偏遠，距離大圍火車站有一段距離，仲要係一堆車房中間，可謂鶴立雞群。📌主打當然係人氣滑蛋盒子吐司🥪，想飽肚啲仲有定🍱食，淨係吐司唔夠喉？仲有小食🍢同甜品揀🍰，咖啡小店黎講款色都算多。📌飲品就緊係有各款唔少得的沖調咖啡☕️同茶包茶，另外仲有沖調特濃朱古力🍫，抹茶鮮奶🍵，焙茶鮮奶，黑芝麻鮮奶。📌店舖小小，枱數得幾張，難怪坊間傳聞一等就要等一個鐘以上，熊妹今次一點到，等左10分鐘就入到，真係好好彩。香蒜雜菌黑松露拉絲芝士盒子吐司，$65有熊妹在，即係有港女恩物在，黑松露炒蛋就係其中一樣喇。吐司盒子裝滿爆滿的黑松露炒蛋，黑松露芬香撲鼻，夾雜同黑松露好夾的雜菌，滑蛋炒得熟透，係實口，唔算好滑溜，蛋味重，就係好典型的黑松露炒蛋。吐司有塗上牛油煎香過，食落口脆脆地重牛油味。伴碟仲有少少沙律菜同幾條炸蕃薯條，份量小小的，襯返份量唔大的
📌難得有機會出黎食野，熊妹緊係揾啲人氣爆登的餐廳同瑪姬皇后試下喇。呢排出名主打滑蛋多士的《E FOR EGG》咖啡小店位於大圍，都算係偏門少少的地方，可以一試又可以發掘下新地方。📌其實位置真係有啲偏遠，距離大圍火車站有一段距離，仲要係一堆車房中間，可謂鶴立雞群。
📌主打當然係人氣滑蛋盒子吐司🥪，想飽肚啲仲有定🍱食，淨係吐司唔夠喉？仲有小食🍢同甜品揀🍰，咖啡小店黎講款色都算多。
📌飲品就緊係有各款唔少得的沖調咖啡☕️同茶包茶，另外仲有沖調特濃朱古力🍫，抹茶鮮奶🍵，焙茶鮮奶，黑芝麻鮮奶。
📌店舖小小，枱數得幾張，難怪坊間傳聞一等就要等一個鐘以上，熊妹今次一點到，等左10分鐘就入到，真係好好彩。
香蒜雜菌黑松露拉絲芝士盒子吐司
$65
8 瀏覽
0 讚好
0 留言
有熊妹在，即係有港女恩物在，黑松露炒蛋就係其中一樣喇。
吐司盒子裝滿爆滿的黑松露炒蛋，黑松露芬香撲鼻，夾雜同黑松露好夾的雜菌，滑蛋炒得熟透，係實口，唔算好滑溜，蛋味重，就係好典型的黑松露炒蛋。
吐司有塗上牛油煎香過，食落口脆脆地重牛油味。
伴碟仲有少少沙律菜同幾條炸蕃薯條，份量小小的，襯返份量唔大的主食。
金沙軟殼蟹三文治魚釨海鮮沙律吐司盒子
$108
8 瀏覽
0 讚好
0 留言
有瑪姬皇后在，即係有貴價食物在，軟殼蟹就係其中的摯愛。
炸軟殼蟹🦀有成隻，絕對唔欺場，酥炸好脆，蟹肉蟹腳蟹殼都有齊，好夠份量。面頭仲有幾粒三文魚釨，粒粒新鮮，一啖即爆鹹鹹的魚釨汁，另外仲有啲蟹肉絲，係一款好滋味的海鮮吐司。
招牌奶蓋咖啡
$48
11 瀏覽
0 讚好
0 留言
熊妹最鐘意試招牌菜，呢款咖啡打響名堂， 一定要試喇。
非常特別，奶蓋切合雞蛋🥚主題，造成荷包蛋造型🍳，好豐厚的奶泡層，面頭鋪上朱古力粉，下面係凍咖啡，然後底層係牛奶🥛，可謂多重口感多重滋味，凍飲都好重咖啡味，再混合埋厚實的奶泡一齊飲，咖啡的濃味混合忌廉奶泡的甜味，係非常另類的咖啡飲法，真係好特別，幾好飲，果然係招牌菜，絕對值得推介。
焙茶鮮奶
$38
11 瀏覽
0 讚好
0 留言
瑪姬皇后話好耐無飲過焙茶，認真要試下。
焙茶茶味濃，有淡淡的牛奶味，心型拉花做得好好，有多層心型，絕對唔馬虎。
焦糖雞蛋布丁吐司盒子
$60
6 瀏覽
0 讚好
0 留言
最後，食完鹹食都要食個甜品先美滿的。
今次係雞蛋布丁🍮夾係吐司盒子入面，雞蛋布丁滑溜，側面有灑上焦糖，甜度適中，為呢餐吐司盒子劃上完美句號。
📌小店來說，以雞蛋為主題的食物質素同款式都幾突出，不過限時進食就失去左咖啡店的休閒，希望小店可以保留咖啡店的舒適感同自由。
張貼
