更多
2020-03-26
37 瀏覽
白松露黑松露炸薯條 $72黑松露薯條就食得多,黑白松露一齊上真係比較少見。餐廳特登用咗白松露油炒過薯條,令薯條散發住陣陣松露既香氣~鵝肝黑松露意粉鵝肝意粉最忌多油,呢個意粉就煮岩岩好,塊鵝肝肥而不膩,唔會係咁咇油出黎,但咬落去仍然係啖啖油香!黑毛豬肋肉日式煲仔飯 $168至於呢個飯,真係第一次試咩叫日式煲仔飯。廚師話,中式煲仔飯係煲起先加醬汁,所以飯味甘香;日式煲仔飯就加醬汁落去一齊煲,令每粒飯都吸收晒醬汁既香濃。食落又唔會太重口味,係一個好新鮮既體會!Coco Blue $58最後係特飲Coco Blue, 菠蘿汁加椰子水既組合,喺芸芸咁多濃味野當中係非常清新既味道,飲完成個人都fresh 晒~
黑松露薯條就食得多,黑白松露一齊上真係比較少見。餐廳特登用咗白松露油炒過薯條,令薯條散發住陣陣松露既香氣~
鵝肝黑松露意粉
鵝肝意粉最忌多油,呢個意粉就煮岩岩好,塊鵝肝肥而不膩,唔會係咁咇油出黎,但咬落去仍然係啖啖油香!
黑毛豬肋肉日式煲仔飯 $168
至於呢個飯,真係第一次試咩叫日式煲仔飯。
廚師話,中式煲仔飯係煲起先加醬汁,所以飯味甘香;日式煲仔飯就加醬汁落去一齊煲,令每粒飯都吸收晒醬汁既香濃。食落又唔會太重口味,係一個好新鮮既體會!
Coco Blue $58
最後係特飲Coco Blue, 菠蘿汁加椰子水既組合,喺芸芸咁多濃味野當中係非常清新既味道,飲完成個人都fresh 晒~
張貼