老三油渣麵王

營業中

休息中

油渣麵依種古老食品，相信真係40歲50歲以上既人先會好大感覺， 從前只係低下階層執d肉檔下欄肥膏返去炸油，個油可能拎去賣或自用煮食慳買油錢， 油渣剩左係度就拎出嚟煮麵兼賣，幾蚊雞一碗，我以前都係街市裡面既走鬼小販度食，油渣要做得好食， 我就唔識煮， 但食呢， 入口應該要微脆，吸一吸d湯加埋冬菜，個種感覺我自己最喜歡，有人喜歡剛炸起個種勁脆，都無問題。但今次依間，佢自封油渣王，剛好早兩晚經過點可以唔試試佢， 麵份量都夠，亦有小量冬菇配菜，辣菜莆，湯底預左味精，但都ok啦， 但個油渣，一入口，豬油香咪出哂黎，而且輕唉即化，非常好食， 相信比起太子某間，更鬆化，依度既油渣相信係香港，除左深水埗珠江酒家，都難尋敵手。對依d咁粗既古老食物都咁有心機，真係要致敬，會再來！