更多
2023-10-01
229 瀏覽
唔知幾時開始呢度嘅餃子變咗土瓜灣名物😌 不過都真係有好多街坊去買,有啲仲會買生餃返屋企自己煮。➼ 湯餃(雙拼)8隻除咗湯餃,仲可以揀煎餃同蒸餃,我通常都揀湯餃因為最穩陣😌 湯底屬於比較淡味嘅胡椒湯,唔會搶咗啲餃子嘅「風頭」;餃子嘅Size就同佢哋舖頭名一樣係珍寶,有我半隻手掌咁大。今次我食咗椰菜雲耳豬肉餃同粟米豬肉餃。先講椰菜雲耳豬肉,椰菜同雲耳都好爽口,不過可能我一嚟就食咗粟米豬肉先,所以食返椰菜雲耳就覺得有啲啖味。我個人鍾意粟米豬肉多啲,粟米好甜!同豬肉嘅比例剛剛好,唔會有肥膩感👍🏻30幾蚊嚟講食得飽肚之餘質素又唔差,性價比好高👍🏻 但唔洗特登去食咁誇張😂 咁啱行過呢頭去試下就無妨啦~
唔知幾時開始呢度嘅餃子變咗土瓜灣名物😌 不過都真係有好多街坊去買,有啲仲會買生餃返屋企自己煮。
➼ 湯餃(雙拼)8隻
除咗湯餃,仲可以揀煎餃同蒸餃,我通常都揀湯餃因為最穩陣😌 湯底屬於比較淡味嘅胡椒湯,唔會搶咗啲餃子嘅「風頭」;餃子嘅Size就同佢哋舖頭名一樣係珍寶,有我半隻手掌咁大。
今次我食咗椰菜雲耳豬肉餃同粟米豬肉餃。先講椰菜雲耳豬肉,椰菜同雲耳都好爽口,不過可能我一嚟就食咗粟米豬肉先,所以食返椰菜雲耳就覺得有啲啖味。我個人鍾意粟米豬肉多啲,粟米好甜!同豬肉嘅比例剛剛好,唔會有肥膩感👍🏻
30幾蚊嚟講食得飽肚之餘質素又唔差,性價比好高👍🏻 但唔洗特登去食咁誇張😂 咁啱行過呢頭去試下就無妨啦~
張貼