更多
2023-09-20
4 瀏覽
//18 09 23 晴天🌞17:00 土瓜灣 啟岸巷子/ ふじさん /好懷念日本每一間餐廳🤤;燒肉、拉麵、居酒屋、壽喜燒…… 諗起就已經有股衝動想買機票啦~之不過,原來喺土瓜灣,竟然都有條同日本非常相似嘅美食街。「啟岸巷子」——— 係一個採用木材為主嘅商場,裏面掛滿咗大量日式燈籠及木匾。每次經過,都會令人有種置身日本嘅感覺💖。🗻而當中有間以富士山做主題嘅「御來光·茶社」,最近更推出有獎問答遊戲👾。(活動到31/10截止)/-芝士奶蓋炭培烏龍茶 (中杯&少甜) HKD$33———————————————————————奶蓋非常綿密 好重鹹香嘅芝士味烏龍茶入口香純,完全唔澀芋芋鮮奶 (中杯&少甜) HKD$35———————————————————————鮮奶甜度剛剛好 每啖都帶有芋泥嘅香味啜嘅時候會飲到 好多芋圓 同 幼滑嘅芋蓉另外芋圓𡁻起嚟 非常煙靭開心果芝士蛋糕 (限定) HKD$48———————————————————————口感 & 味道層次 十分豐富第一層同餅底 都會食到 好似光酥餅嘅蛋糕味道唔會太甜 口感乾爽第二層係 白色好滑嘅奶味忌廉而第三層係 綠色開心果味忌廉最後背
18 09 23 晴天🌞
17:00 土瓜灣 啟岸巷子
/ ふじさん /
好懷念日本每一間餐廳🤤;燒肉、拉麵、居酒屋、壽喜燒…… 諗起就已經有股衝動想買機票啦~
之不過,原來喺土瓜灣,竟然都有條同日本非常相似嘅美食街。「啟岸巷子」——— 係一個採用木材為主嘅商場,裏面掛滿咗大量日式燈籠及木匾。每次經過,都會令人有種置身日本嘅感覺💖。
🗻而當中有間以富士山做主題嘅「御來光·茶社」,最近更推出有獎問答遊戲👾。(活動到31/10截止)
/
-
芝士奶蓋炭培烏龍茶 (中杯&少甜) HKD$33
———————————————————————
奶蓋非常綿密 好重鹹香嘅芝士味
烏龍茶入口香純,完全唔澀
芋芋鮮奶 (中杯&少甜) HKD$35
———————————————————————
鮮奶甜度剛剛好 每啖都帶有芋泥嘅香味
啜嘅時候會飲到 好多芋圓 同 幼滑嘅芋蓉
另外芋圓𡁻起嚟 非常煙靭
開心果芝士蛋糕 (限定) HKD$48
———————————————————————
口感 & 味道層次 十分豐富
第一層同餅底 都會食到 好似光酥餅嘅蛋糕
味道唔會太甜 口感乾爽
第二層係 白色好滑嘅奶味忌廉
而第三層係 綠色開心果味忌廉
最後背面更有大量 脆脆哋嘅開心果粒
呢款蛋糕非常獨特,值得一試
提拉米蘇 HKD$45
———————————————————————
充滿濃郁嘅咖啡香味,以及淡淡酒香嘅餘韻
入口都會經過香、滑、苦、甜嘅四種變化
另外質感 濕潤綿滑,送茶一流
———————————————————————
張貼