魚眾不同酸菜魚 (君譽峰)

營業中

休息中

天寒地凍，有咩好得過食啲熱辣辣嘅嘢，知道呢度新開，馬上相約好友到此一嘗，品一品睇吓佢咩料！地方唔算好大，但勝在樓底高，冇侷促感，坐位與坐位空間都可以，餐具亦乾淨整潔。等咗一陣位，入座後叫咗兩味一飯，麻辣牛脷，小辣鱸魚酸菜魚，白飯，凍檸茶走甜。麻辣牛脷，麻辣汁味道不錯，但嫌其味蓋過食材本身味道，提議可以切厚小小以平衡整體味道。香辣酸菜魚，魚好滑！整體上冇骨，內容豐富多彩，味道平衡，應該暫時食到過同款食物中嘅頂流嘞！價錢非常相宜！一定會再嚟！