影片
更多
2016-01-23
4005 瀏覽
姊妹們相聚夜，大家都鍾意食生蠔同新鮮海膽，所以就揀咗呢間—蠔詩。一坐定咩都唔好講，先嚟每人兩隻生蠔！我哋揀咗要creamy啲嘅生蠔後，侍應哥哥就幫我哋揀咗5款... 由檸檬開始順時針方向，生蠔品種如下： 兩個食完Gillardeau Oyster嘅美女都話呢款最正，但可惜已經無貨，唯有翻take另外兩個靚女覺得好食嘅Sadanha Oyster，先前個兩個美女仍然覺得Gillardeau好味啲！ 而我...唔算係生蠔愛好者，而且今次試食所揀兩隻都係唔出色嘅，只可以簡單咁講...新鮮，但肉唔厚，未夠滿足。 西班牙毛白風乾豬火腿伴蜜瓜，火腿鹹度剛好，肉多過脂肪，啱啱好，哈蜜瓜未夠甜，同件數較火腿少。西班牙珍寶野生紅蝦刺生（10吋）$160，影得唔靚，menu寫10吋，計埋個頭應該夠，但蝦頭用咗嚟煮冬陰公湯...一隻五個人分都唔算試得好清楚，不過都食到佢肉質爽口，唔點豉油都夠鹹！用紅蝦頭煮嘅冬陰公湯，好夠酸夠辣，仲有蜆同青口添，呢個好味道！ 海膽一板，有生青瓜、生翠玉瓜同紫菜畀我哋連海膽食...海膽顏色偏淡，但都算新鮮，我認為最好係用紫菜包海膽食，先食到鮮味，不過最敗筆嘅係用四洲紫
一坐定咩都唔好講，先嚟每人兩隻生蠔！我哋揀咗要creamy啲嘅生蠔後，侍應哥哥就幫我哋揀咗5款...
由檸檬開始順時針方向，生蠔品種如下：
兩個食完Gillardeau Oyster嘅美女都話呢款最正，但可惜已經無貨，唯有翻take另外兩個靚女覺得好食嘅Sadanha Oyster，先前個兩個美女仍然覺得Gillardeau好味啲！
而我...唔算係生蠔愛好者，而且今次試食所揀兩隻都係唔出色嘅，只可以簡單咁講...新鮮，但肉唔厚，未夠滿足。西班牙毛白風乾豬火腿伴蜜瓜，火腿鹹度剛好，肉多過脂肪，啱啱好，哈蜜瓜未夠甜，同件數較火腿少。
西班牙珍寶野生紅蝦刺生（10吋）$160，影得唔靚，menu寫10吋，計埋個頭應該夠，但蝦頭用咗嚟煮冬陰公湯...一隻五個人分都唔算試得好清楚，不過都食到佢肉質爽口，唔點豉油都夠鹹！
用紅蝦頭煮嘅冬陰公湯，好夠酸夠辣，仲有蜆同青口添，呢個好味道！
海膽一板，有生青瓜、生翠玉瓜同紫菜畀我哋連海膽食...海膽顏色偏淡，但都算新鮮，我認為最好係用紫菜包海膽食，先食到鮮味，不過最敗筆嘅係用四洲紫菜！四洲紫菜本身有味精，分散咗味蕾品嚐海膽嘅原味，如果餐廳可提供新鮮日本紫菜，就一流！
活藍青口（日本青酒），呢款好味，可能真係活青口，所以新鮮又無雪藏味，以火腿洋蔥等煮汁，好惹味，青口數量仲好多添
芝士、牛油果、蟹肉焗薯皮，我一向唔like牛油果，但呢個焗薯完全食唔好牛油果陣腥味，真係有蟹肉，幾個材料混埋一齊，好match，唔錯
勁辣非洲雞配香蕉片及牛油飯。老老實實，無諗過呢碟會係全部分開，雞還雞、香蕉還香蕉、飯還飯咁...我一試個汁，爆咗句「好Na辣」，朋友們以為我講粗口，我澄清啲辣汁真係有種Na Na地又好辣嘅味道！侍應哥哥話呢個係老闆秘製嘅辣汁，喺口入面辣一辣就無，又係嘅，隔一陣就唔再覺得辣～雞本身都辣辣地，外皮香口，牛油飯都無咩特別。
香煎鵝肝、大蝦龍蝦油意粉，首先我係唔食鵝肝，朋友話好香口，大蝦就ok，但唔知關唔關我唔食鵝肝事，我覺得啲意粉好羶味，雖然夠硬身，但我唔係幾受到陣味（應該係我嘅問題，唔關碟意粉事）
張貼
