更多
2016-04-13
3333 瀏覽
日本料理可以食到好貴好豪, 亦可以百零蚊食個放題, 但邊間質素好真係要食過先知, 呢間小店都係經朋友介紹, 點知真係好有驚喜, 因為價錢大眾化但食到超新鮮靚魚生, 呢點己經值門票價. 首先地點第一次可能要用少少時間搵, 始終唔係位於大街大巷, 第一次就睇下地圖啦, 都好容易搵到, 但去過就知其實北角MTR行去5-10分鐘內必到, 其實好近好方便。 一坐底見到餐牌其實樣樣都想試, 所以乜都叫d, 先來客刺身先, 我見到呢客三文魚腩己經不禁嘩左出聲.....好厚身好大件, 食落超有口感, 好新鮮, 超肥美.....好好味呢!!!再來一客吞拿魚容手卷同埋叫左幾客SUSHI, 唔........SUSHI上面D刺身依然好味但D飯真係麻麻地, 好硬身, D米亦好大粒, NO GOOD, 建議大家食SUSHI不如叫刺身, 其實價錢差不多, 但D飯真係.............要改進!!黑松露帶子沙律我見枱枱都叫, 我都唔執輸, 果然好香好好味, 但如果個汁多D就更理想啦清酒煮蜆, D蜆都算清甜, 可能我個人比較重口味, 湯底就反而淡味左D 軟穀蟹手卷 同 海膽手卷 材料其實OK, 但都係個句,
一坐底見到餐牌其實樣樣都想試, 所以乜都叫d, 先來客刺身先, 我見到呢客三文魚腩己經不禁嘩左出聲.....好厚身好大件, 食落超有口感, 好新鮮, 超肥美.....好好味呢!!!
再來一客吞拿魚容手卷同埋叫左幾客SUSHI, 唔........SUSHI上面D刺身依然好味但D飯真係麻麻地, 好硬身, D米亦好大粒, NO GOOD, 建議大家食SUSHI不如叫刺身, 其實價錢差不多, 但D飯真係.............要改進!!
黑松露帶子沙律我見枱枱都叫, 我都唔執輸, 果然好香好好味, 但如果個汁多D就更理想啦
清酒煮蜆, D蜆都算清甜, 可能我個人比較重口味, 湯底就反而淡味左D
軟穀蟹手卷 同 海膽手卷 材料其實OK, 但都係個句, 衰在D飯麻麻地囉
燒蟹羔, 好香, 如果配個白飯就正啦
刺身實在太正, 我地忍唔住要再叫多客刺身, 杜丹蝦非常鮮甜, 好大隻, 三文魚腩食到停唔到口, 勁肥美超多油脂.....太正啦
比多張近鏡大家睇下呢舊三文魚腩.....絕對無介紹錯, 必食, 10個"讚"啊 ^0^
最後來個飽肚牛肉湯烏東, 我加左錢轉做稻庭烏東, 牛肉唔鞋口, 烏東好滑, 不過我都係覺得湯底淡口味左D, 鐘意清淡既朋友可能鐘意, 但佢....唔係我杯茶
食飯又點少得飲反2杯, 除左日本啤酒, 呢款清酒好特別, 1個盒+1個杯+1枝細清酒, 攪乜? 原來係個杯放落個盒度, 將d酒由杯度開始倒起, 由得d酒再流到落個盒度, 首先飲杯上d酒, 飲完先再飲盒上d酒, 聽講應該係酒係唔同溫度, 用唔同杯裝住, 都會有少少唔同既味道, 講到咁得意都係$78, 好啦好啦, 再來多枝啦!! hahaaa活一鮮 Katsuisen
北角錦屏街21號東發大廈A座地下
題外話/補充資料：
小店位置唔算多, 地方其實有少少迫, 星期五就最好book枱, 見到7點後都差不多己經爆場. 其實每碟都係幾十蚊就食到超新鮮魚生既日本料理, 呢間小店絕對值得一試.
(以上食評乃用戶個人意見 , 並不代表OpenRice之觀點。)
張貼
