影片
更多
2015-08-03
2675 瀏覽
其實身為一個土身土長既新界人，基本上都好少可會黎港島呢啲偏遠地區搵食既；不過今次因為聽到一個網上電台節目主持人既極力推介，所以都千山萬水黎朝聖一下！ 活一鮮鋪內地方唔大，大約可以容納到二十人左右。望一望個餐牌，價位都係比較平易近人，唔會似其它日本連鎖店咁開天殺價，大多數六十蚊至一百蚊之內都有得找，夠晒抵食。所以我地一行兩人就叫左個丼飯、壽司併盤同小食；好似仲要無加一，所以埋單每人只係一百二十蚊咋，真心抵食呀！１♥海膽魚生丼飯價錢：＄６ｘ味道：講真只係六十幾蚊貨仔，所以我都無咩咁大期望，但上到黎成件事又好OK喎！啲海膽都唔算少，夠我地食一兩舊再撈埋飯，幾鮮甜呀。除左三文魚之外，仲有其它魚生，有雕魚啦又有帶子！啲刺生又多又鮮，似係食緊刺身併盤加送飯！你諗下，平時食個三文魚刺身都要四十幾蚊先得四塊啦，呢個真心抵食呀！性價比：＊＊＊＊＊超級抵食呀！２♥壽司併盤價錢：＄９Ｘ味道：九十幾蚊有大約八舊壽司，五舊小卷同兩舊蛋；用料好足，啲壽司絕對唔係平料，又有海膽又有甜蝦又有三文魚；其中有一舊白色圓圓地個舊魚超好味呀，比起其它刺身更鮮甜，一定要試呀！不過如果啲飯同埋刺身凍啲就好啦，而家太熱呀，
其實身為一個土身土長既新界人，基本上都好少可會黎港島呢啲偏遠地區搵食既；不過今次因為聽到一個網上電台節目主持人既極力推介，所以都千山萬水黎朝聖一下！ 活一鮮鋪內地方唔大，大約可以容納到二十人左右。望一望個餐牌，價位都係比較平易近人，唔會似其它日本連鎖店咁開天殺價，大多數六十蚊至一百蚊之內都有得找，夠晒抵食。所以我地一行兩人就叫左個丼飯、壽司併盤同小食；好似仲要無加一，所以埋單每人只係一百二十蚊咋，真心抵食呀！
１♥海膽魚生丼飯
價錢：＄６ｘ
味道：講真只係六十幾蚊貨仔，所以我都無咩咁大期望，但上到黎成件事又好OK喎！啲海膽都唔算少，夠我地食一兩舊再撈埋飯，幾鮮甜呀。除左三文魚之外，仲有其它魚生，有雕魚啦又有帶子！啲刺生又多又鮮，似係食緊刺身併盤加送飯！你諗下，平時食個三文魚刺身都要四十幾蚊先得四塊啦，呢個真心抵食呀！
性價比：＊＊＊＊＊超級抵食呀！
２♥壽司併盤
價錢：＄９Ｘ味道：九十幾蚊有大約八舊壽司，五舊小卷同兩舊蛋；用料好足，啲壽司絕對唔係平料，又有海膽又有甜蝦又有三文魚；其中有一舊白色圓圓地個舊魚超好味呀，比起其它刺身更鮮甜，一定要試呀！不過如果啲飯同埋刺身凍啲就好啦，而家太熱呀，影響左成件事！
性價比：＊＊＊＊都幾抵食呀！
３♥大隻版帶子壽司
價錢：＄３Ｘ味道：本身佢單叫帶子壽司佢就有兩款，一款係普通既就廿幾蚊，呢款係傳說中手掌咁大既超級版本就三十幾蚊。就係因為聽人介紹好正，先特登黎試既，的確好大粒，唔似平時食開既帶子刺身，比較腥味。同行既友人就好鐘意呢隻腥味，我就麻麻，不過我覺得點都值得試一次既！下次我就未必會再試！
性價比：＊＊＊都唔錯呀！
４♥小食炸軟殼蟹
價錢：＄４Ｘ味道：最後叫左樣熱食炸軟殼蟹，幾特別既係佢有少少辣粉係上面，令個味道更加有層次，加埋日本沙律醬相當唔錯，不過唔算話好好好特別！
性價比：＊＊＊都唔錯呀！
總結，我覺得呢間野相當抵食，絕對係平價食刺身丼飯之選！熱食就比較無咁出色，可以留肚食凍野！雖然地方比較偏遠，但食完都絕對覺得值得去呀！
張貼
