影片
更多
2021-05-06
743 瀏覽
屋企人約左一齊去食下酸辣魚，用手機app落order唔緊要，但個app好亂咯！我地用膳時間係中午，佢有lunch set,我地叫左2個，再叫一個大既酸辣魚同拍黃瓜，仲叫左2杯飲品，熱情果soda 同桂花唔知咩釀，首先講下個酸辣魚，我叫左大辣，我地一食，一d都唔辣，個湯又唔熱！我同伙記講唔夠辣，佢話大辣無得加辣（但明明張紙寫住有得加辣）老實講食酸辣魚唔辣咁不如唔好去食，咁我就問佢有無辣椒油啦，問左好多次先比一碟好細既辣油我，我比錢食架，洗唔洗咁呀！因為同樣地個拍黃瓜係無味架，所以我想自己加d辣油落去！我人生中食過無數次水煮魚，酸辣魚等，未試過中伏中到問人要辣椒油都要問好多次先比我，我唔明點解咁多好評！伙記態度差，十問九唔應！酸菜魚真係唔好食！酸菜唔酸，湯唔熱，辣既情度係微辣！都唔緊要！你話可加辣，但客人問你加辣時又話大辣唔加得辣！咩道理？
張貼