北角四眼妹美食屋 (已結業)

平時食粉麵飯多，假日自然會想放縱下，今個星期日經過北角一間新開小食店，見到有唔同款式嘅雞蛋仔，就買嚟試吓。剛到達睇餐牌，老闆娘好友笑容咁歡迎我哋，為我地介紹不同口味的雞蛋仔，細妹鍾意抹茶，我鍾意朱古力，所以揀咗一款抹茶朱古力雞蛋仔。我最怕太甜的雞蛋仔，雖然今次沒有叫少甜，但是甜度適中，朱古力味雖然不是很突出，不過有大量抹茶粉，為整個小食增添清香，而且粉漿調校得幾好，新鮮熱辣辣的這塊雞蛋仔外脆內軟，內裏保持濕潤軟綿綿，質素不錯。光顧小店，必定會順便買幾串魚蛋牛丸墨魚丸，特別欣賞這裏的墨魚丸，口感彈牙，而且又墨魚鮮味，不是用麵粉搓的次等貨，加埋辣醬放入口，很惹味😊👍🏽下次經過再光顧。