Urban United Burger & Bar (已結業)

星期日訓到晏一晏，就被阿哥嘈住叫肚仔餓!平時就阿哥請我食好東西，今次我就要帶住阿哥去食好東西了!又新街，向來就美食一條街，再行過B仔涼粉、泛后甜品個頭，原來開左間新野!作為元朗人，緊係要試下新野推薦下俾其他人多個地方HEA下啦!呢個BURGER &BAR 開左一個月未幾耐，起呢區黎講都係走一條唔同既路線!你睇下內部既環境先! 個老闆真係好有心思、品味啊! 同區既餐廳可能只在有個地方開食店搵錢!但是，呢間野真係好舒服啊! 星期日中午過黎食下BRUNCH寫意下，真係唔多地方可以做到!餐具也落了心思! 好似尖沙咀、灣仔高級餐廳既FEEL! 店員也非常熱心推介MENU，又同客人傾下，好有誠意同窩心的感覺!黎到BURER店，無理由唔食掛!紐約雙層八安士漢堡!你見到嗎? 我搵左我阿哥隻大手作對比，個漢堡超巨大，仲要個牛肉兩塊，每塊都有手指尾咁厚!牛肉，好食到不得了! 牛肉係內膽仲有少少粉紅色，仲嫩口，一點都唔老架!有兩塊唔同味既芝士，車打同麼沙里拿芝士，再加生菜隔下，個口味豐富到呢!竟然起元朗搵到尖沙咀西餐廳既質素，真係感動到不得了! 因為真係多左個新蒲點!烤牛柳BRUNCH早餐，個滿足程度係十級