譚仔雲南米線 (已結業)

其實拍拖吾一定要去食貴野既，女朋友問我想食乜野，我就答佢：不如食譚仔雲南米線啦。 我地兩個人叫左一個過橋米線套餐，大大碗我覺得好抵食架。入面每樣材料都有D， 有墨魚丸，牛丸，魚蛋，雞肉，豬肉，牛肉，豬潤，腩肉，火腿，芽菜，韭菜，腐皮，豆卜，生菜，酸菜，炸醬。 佢最鍾意食墨魚丸，因為夠彈牙。 佢仲好鍾意食呢到既炸醬， 適合吾食辣既佢。而且用黎撈米線一流。 我自己就鍾意食呢到既腐皮因為好入味，酸菜亦都幾好味，酸酸甜甜撈米線好開胃。兩個人仲叫左個大土匪雞翼，大土匪雞翼外皮脆而且有芝麻味，香口又惹味。 我同女朋友都好鍾意食，再加多罐可樂一齊飲，爽一爽！