割烹水木 (已結業)

初初新開張時 book 位好 Full，因為原來只有 10 個位，好彩 10 月開始平日 lunch 已經可以即日 book 都有位，有時都係即興想食就食，元朗街坊心情！午餐時間有 HK$420 及 HK$660 兩款菜單，似乎全場都揀咗 HK$660，難得一場來到，爭少少梗係食個好啲架啦！有片有真相可以感受一下用餐環境氣氛有日本師傅主理，海膽熱狗大滿足，鮑魚肝醬都好香，但味道偏鹹，魚刺身方面，略嫌太乾，其他不過不失。綠茶鹽幾有特色，第一次試，幾得意。鴨肉壽喜燒當然唔夠和牛咁正啦！太細塊唔夠喉，下次應該要加錢食和牛先得。