影片
更多
2014-10-12
938 瀏覽
認識我的人都知我一生被咖啡因所困，日日倚賴咖啡、茶、可樂維生，然而「需要」得來卻又有點執著，唔好飲寧願乜都唔飲。 有日一條友到元朗行行街市、影影相，行到朗屏站附近，竟然發現一間小店，叫做「人情味」，英文名叫「a story of milktea」！我當堂嚇左一跳！然後得啖笑！ok，你店仔細細夠膽話自己係奶茶的故事，咁咪等我試試真章囉！小店真係小，6張枱10零個位，一個水吧一個樓面，that's all。坐低先知原來舖頭9月中先新開業。望望餐牌，選擇唔多，有個叫「人情味特餐」$36，見隔離枱的婦女們都係食呢樣，一於試試。 人情味特餐$36忌廉湯火腿烏冬鮮奶炒蛋配午餐肉牛油厚多士香滑奶茶先來試試奶茶。茶色幾靚，同埋好夠熱，連隻杯都辣手！唔怕冷氣吹凍杯奶茶。細心！ 試一啖，茶味好～～濃！紅茶同花奶的比例啱啱好，有花奶的滑、紅茶的香，一啖在口中慢慢散發出來！ 嘩！！真係呢... 我好想用杯奶茶來「朗」口，直情係唔捨得一啖咁快飲晒佢！跟住來忌廉湯火腿烏冬。又係熱辣辣的，誠意可加。不過佢地用膠碗盛載，店方話因為舖頭細，冇位洗碗喎～ 但都特登揀d熱湯專用的膠碗來用。我個人認為冇問題吖～ 最緊要d野好
小店真係小，6張枱10零個位，一個水吧一個樓面，that's all。坐低先知原來舖頭9月中先新開業。望望餐牌，選擇唔多，有個叫「人情味特餐」$36，見隔離枱的婦女們都係食呢樣，一於試試。
人情味特餐$36
忌廉湯火腿烏冬
鮮奶炒蛋配午餐肉
牛油厚多士
香滑奶茶
先來試試奶茶。茶色幾靚，同埋好夠熱，連隻杯都辣手！唔怕冷氣吹凍杯奶茶。細心！ 試一啖，茶味好～～濃！紅茶同花奶的比例啱啱好，有花奶的滑、紅茶的香，一啖在口中慢慢散發出來！ 嘩！！真係呢... 我好想用杯奶茶來「朗」口，直情係唔捨得一啖咁快飲晒佢！
跟住來忌廉湯火腿烏冬。又係熱辣辣的，誠意可加。不過佢地用膠碗盛載，店方話因為舖頭細，冇位洗碗喎～ 但都特登揀d熱湯專用的膠碗來用。我個人認為冇問題吖～ 最緊要d野好食啫。 食物來之前（及）到隔雜枱食呢個餐的婦女，食完烏冬之後個碗空空如也，心想唔係掛連湯都飲埋？但當碗烏冬真正來到我面前的時候，嘩又係好香，飲一口忌廉湯，喂飲得出係好足料既金寶忌廉湯喎！同自己喺屋企開罐頭湯一樣濃！ 仲有個烏冬，麵身吸收左濃濃的忌廉湯味，麵質又彈牙，轉個頭我就「suet suet suet」晒d麵。喂真係好味喎，唔係好夠喉添，啖湯都唔好side... 哦！唔怪得人人個碗都連湯都冇得剩啦！ 食完烏冬已飽左6成，這時候個餐的其他野食剛到。略覺慢左少少，但一路睇住水吧師傅將每個餐即叫即整，一整好就上桌，熱辣辣，等一陣都抵。
嘩真係「厚多士」呀！！ 嘩咩事呀份多士？！乜真係咁厚多士呀？！？！ $36個餐使唔使咁抵食？ 另外餐牌寫到明係鮮奶炒蛋，水吧又放左幾廿盒北海道牛奶... 喂你唔係用北海道牛奶來炒蛋下嘩？ 癲架！炒蛋夠熱又夠滑，仲好亂 - 只有大火落鑊快炒兜亂先有咁既效果，入口又香仲真係有d奶味添，攞晒分啦！ 餐肉亦煎得夠香口。 結果呢，我係食唔晒份厚多士既，唯有外賣拎走再算。 打包時我冇諗過一陣係咪真係會食，結果我直到夜晚返左屋企都冇食到份多士，但當下就係唔捨得浪費眼前食物同飲品既一點一滴，因為真係食得出好味，同埋食得出有heart。 或者呢種就係人情味既味道？！一定會再來。或者可能每個weekend都來 XD
題外話/補充資料：
小店只得一個樓面，一個水吧，口痕問佢地會唔會請多個人幫手，整野食快d？師傅話有d難喎，因為水吧都唔夠位企多一個人。但呢個師傅整野真係幾堅。之所以話，要食好野係要有d耐性既。同埋，why so busy? 靜靜地坐下、欣賞下環境、放鬆咁享用食物唔好咩？哪怕只係一個30幾蚊既餐？
(以上食評乃用戶個人意見 , 並不代表OpenRice之觀點。)
張貼
