影片
更多
2013-11-04
49 瀏覽
之前入元朗都唔知食咩好！梗係上黎睇下有咩食啦！呀玉豆腐花，入到3甲梗係要試下啦！第一次買左2碗，番到屋企食完之後，真係好多豆腐花店都食唔到既味！唔識講，仲知就好食！琴晚又走左入元朗，今次試埋個豆漿！番到屋企，第一啖飲落去覺得唔係好甜，無咩味！覺得唔好飲！俾左我老公飲，佢話好飲喎！而家d人飲野好甜，唔甜就話唔好飲！好！俾多次機會你，無理由豆腐花好食，豆漿會唔好飲𠺢？都係一樣野黎𠺢！兩份飲，飲完之後我就同我老公講，支豆漿有兒時我呀公既味道！因為我呀公係整豆漿，豆花響街市賣，佢都話佢呀爺都係整過拎去賣，都係咁既味！講真，而家想食番細個既味道，真係好難，因為d老人家，走得就走！後生既，要跟得足，唔走精面，真係好難！
呀玉豆腐花，入到3甲梗係要試下啦！
第一次買左2碗，番到屋企食完之後，真係好多豆腐花店都食唔到既味！唔識講，仲知就好食！
琴晚又走左入元朗，今次試埋個豆漿！
番到屋企，第一啖飲落去覺得唔係好甜，無咩味！覺得唔好飲！
俾左我老公飲，佢話好飲喎！而家d人飲野好甜，唔甜就話唔好飲！
好！俾多次機會你，無理由豆腐花好食，豆漿會唔好飲𠺢？都係一樣野黎𠺢！
兩份飲，飲完之後我就同我老公講，支豆漿有兒時我呀公既味道！因為我呀公係整豆漿，豆花響街市賣，佢都話佢呀爺都係整過拎去賣，都係咁既味！
講真，而家想食番細個既味道，真係好難，因為d老人家，走得就走！後生既，要跟得足，唔走精面，真係好難！
張貼