德國熱狗

營業中

休息中

相信好多人都介紹過呢間德國熱狗小店，早幾日咁啱又經過，好多年冇黎喇！咁多年黎，人流永遠都係咁多。熱狗腸種類非常多，最後我要咗脆皮煙肉火腿腸。熱狗即叫即製。首先烘熱個包，再滾熱腸仔，最後選擇醬汁。包面少少脆口，入面熱辣辣，非常軟熟。腸皮薄而脆，腸肉亦食得出濃濃嘅煙肉味，就算配埋醬汁都唔會掩蓋咗本身嘅肉味。可惜嘅係我冇要埋芥辣醬，否則味道同口感一定會更加平衡。唔緊要！下次再食！