影片
更多
2016-11-18
3824 瀏覽
再次黎到逸東軒食晚飯，因為喜歡其環境唔會太嘈吵，而且座位相隔比較寬敞，食物質素又好！ 先黎前菜小食，有芝麻核桃、小魚干以及腰果。 燒味雙拼HK$228 每次黎親逸東軒，都必叫燒味雙拼！而當中，必食的是叉燒！ 平時食燒味，總是愛叫燒鴨燒肉之類。但逸東軒的叉燒，實在是軟腍恰到！肥瘦適宜，而且食起上黎，有點Juicy感。而燒肉，皮脆卜卜的，有著半肥的脂肪層，在食起上黎有香脆口感同時有啫入口半溶的感覺。 芥末雲耳海蜇頭HK$75 用上特別的芥末吊一吊味，令到這個清爽的前菜，加了一份辛辣的過癮~~ 花膠鮮杏汁燉白肺 (位)HK$128 白肺湯，要清洗好花功夫。而湯頭好清，杏汁剛好的味道，很滑！每碗都會有埋花膠係入面，真材實料！ 二弄玻璃蝦球HK$320 這裡的蝦球，比出面食的，是更加大隻、更加爽脆！不知道師父點整先做到咁爽脆。還是說師父揀的蝦特別新鮮！真的很好食！ 二弄，兩種食法。上面的是清清地，可以點上蝦醬食，食到蝦的清甜爽脆。下面的是甜甜酸酸的醬汁，另一種開胃食法~~ 荷葉籠仔生煎雞焗飯HK$230 呢個，係一上枱極香的菜。上次多人，食的是生煎雞，今次少人，就食個連焗
再次黎到逸東軒食晚飯，因為喜歡其環境唔會太嘈吵，而且座位相隔比較寬敞，食物質素又好！先黎前菜小食，有芝麻核桃、小魚干以及腰果。
燒味雙拼
HK$228
每次黎親逸東軒，都必叫燒味雙拼！而當中，必食的是叉燒！
平時食燒味，總是愛叫燒鴨燒肉之類。但逸東軒的叉燒，實在是軟腍恰到！肥瘦適宜，而且食起上黎，有點Juicy感。而燒肉，皮脆卜卜的，有著半肥的脂肪層，在食起上黎有香脆口感同時有啫入口半溶的感覺。
芥末雲耳海蜇頭
HK$75
用上特別的芥末吊一吊味，令到這個清爽的前菜，加了一份辛辣的過癮~~
花膠鮮杏汁燉白肺 (位)
HK$128
白肺湯，要清洗好花功夫。而湯頭好清，杏汁剛好的味道，很滑！每碗都會有埋花膠係入面，真材實料！
二弄玻璃蝦球
HK$320
這裡的蝦球，比出面食的，是更加大隻、更加爽脆！不知道師父點整先做到咁爽脆。還是說師父揀的蝦特別新鮮！真的很好食！
二弄，兩種食法。上面的是清清地，可以點上蝦醬食，食到蝦的清甜爽脆。下面的是甜甜酸酸的醬汁，另一種開胃食法~~
荷葉籠仔生煎雞焗飯HK$230
呢個，係一上枱極香的菜。上次多人，食的是生煎雞，今次少人，就食個連焗飯的。但香氣依然不減！
生煎雞，十分入味，而且外層微脆，內裡雞肉嫩滑。雞的肉汁與油香，滲透入荷葉飯內，令飯既有荷葉香氣，也有雞的香氣，層次感即時提升。
砂窩和味銀絲蟶子皇
HK$280
少有地，特大大蟶子會用上砂窩以啫啫雞式的方法去整。所以是很惹味很香的。蟶子皇不會老，火喉剛剛好！而且蟶子的份量不是說笑地多！底下是入晒味的粉絲！整道菜的精髓都入晒去啲粉絲入面了！
千層紅棗糕
HK$38
這裡的紅棗糕棗含量絕對係食得出的多！而且夠甜夠熱！即叫即蒸好有心機。
生磨蛋白杏仁茶
HK$39
最後以一計生磨白杏仁茶作結，十分滿足~~
張貼
