蝦蝦燒

營業中

休息中

同朋友黎到位於佐敦嘅蝦蝦燒，環境乾淨企理，每台都有一個燒烤爐、拎食物碟、垃圾桶，好整潔👍🏻張枱側邊仲可以見到生猛嘅大頭蝦喺水裏面游，夾大頭蝦🦐都幾好玩～除咗任食大頭蝦之外仲有各類海鮮，例如生蠔、扇貝、鮑魚、原條魚、大蜆等等，真係講得出嘅海鮮都有😆啲大頭蝦真係好新鮮，仲有每台人頭一串燒鱔，肥美有油香，生蠔🦪同埋扇貝我哋就加咗蒜蓉牛油，超正！鮑魚肉質又彈牙，海鮮人士嘅天堂～除咗海鮮之外，仲有唔同嘅肉類，例如羊架、腸類、雞翼、牛肉串、漢堡扒、多春魚等等，其中雞翼好出色好嫩滑🫶🏻如果想食菜類亦有好多選擇，例如雞髀菇、翠玉瓜、菠蘿🍍、蒜蓉包等等，有陣時食咁多肉類，食返呢啲真係唔錯，特別鍾意雞髀菇燒完好多汁😍呢度仲有唔同嘅汽水同埋酒類，唔係普通啤酒🍻，佢仲有喜力、真露同hoegaarden任飲，餐廳真係十分大方呢，最後仲有唔同口味嘅雪糕，為完美嘅一餐畫上句號！