良之友達 (已結業)

依家啲鐵板牛好多都係半自助形式咁樣去做，可能一嚟人手方面，二來有得俾你自己揀食定唔食，佢哋呢間嘅自助沙律非常之咁出色，因為沙律醬已經好多選擇，莫講話沙律菜，一樣又係你鍾意食啲咩就自己去揀，不過呢間就好似少咗白飯任裝，之前食過有一間係有得白飯任裝嘅，但係麵豉湯都一樣又係可以任飲，我自己叫咗羊架，而朋友就叫咗牛柳，上枱嘅時候又係有張廚房紙蓋住啲肉，免得啲油彈到成身都係，差唔多嘅時候拎開張廚房紙，再煎多兩煎就食得㗎啦，羊架完全冇蘇味，肉質都幾鮮嫩，朋友嘅牛柳，比較少汁，無咁juicy，整體來講不過不失。