新肥泉海鮮大排檔

營業中

休息中

佐敦市政大樓下面兩層係街市，最上個層係食肆，外面仲有個露天天台仔，可以比人食飯中途出去食個煙。入面有兩間大排檔，當日比較早入座，所以人客唔多，枱與枱之間位置都唔迫。野食方面叫左黃金魷魚、黑椒牛仔骨、豉油皇鵝腸、七味豆腐、咕嚕肉。見到好多人係到飲酒玩骰盅，睇嚟都係個街坊聚腳既地方🙂每碟餸既價錢唔平，但份量都多。味道方面黃金魷魚同七味豆腐最好食，魷魚鹹蛋黃味濃，豆腐椒鹹味適中，唔會太鹹，兩者炸皮厚度適中。唯獨肉類鬆肉粉落得太多，多到有啲苦同乸喉嚨，希望師傅可以改善下。