佳佳甜品 (已搬遷) 新店位置

夜晚係廟街食完煲仔飯可以做D咩？梗係食個飯後甜品啦﹗一入到去呢間糖水鋪，已經聞到勁大陣姜味，真係估都估到呢間係間傳統糖水鋪，出名食辣姜糖水同湯丸啦﹗果然睇一睇個menu，入面好多D中式熱糖水，好似：合桃露同番薯糖水咁。因為之前試過呢到唔少糖水，所以最後決定叫左個「新上市」嘅凍楊枝甘露 (盛惠25雞)﹗其實個楊枝甘露都算足料，但係就貴左少少啦。如果係廿雞下，就相當抵食。間糖水鋪比較美中不足嘅地方就可能係menu上嘅選擇比較少啦，我諗加加埋埋都係得15種到。