影片
更多
2013-10-09
604 瀏覽
同阿亨一向都喜歡係MegaBox睇戲，貪容易買飛又距離公司唔遠。亦因為咁，好多時都係返商場食飯。舊年食過呢度個啤酒節套餐之後，對呢間餐廳有好深刻既印象，所以定時都會黎呢度幫襯 (落單前出示戲飛有折)。早排係yxxxx! 又見到呢度有啤酒節套餐團購，仲多左個四人餐揀，二話不說，即刻買左張四人餐約阿亨同朋友啤一啤 揀左星期四晚去，七點半到，已經full左大半。好喜歡隻啤酒杯，有啤酒節貼紙，有feel。四人啤酒節套餐相當豐富，上檯果陣，大家都"嘩"左一聲。(我冇，因為我有睇過相)食物包括四客是日餐湯、德國併盤(什錦香腸、燒豬手、燒無骨春雞、芝士忌廉焗薯、燒蔬菜)、當然仲有四枝啤酒。是日餐湯：果晚係雜菜湯。湯夠熱，portion又大，味道唔錯。什錦香腸：一共有五款腸，每條都燒到有grill紋，好吸引。當中有我喜愛既紐倫堡腸，正！燒豬手：皮非常脆，一落刀切果下，好似切薯片。豬手唔乾身亦唔太鹹。燒無骨春雞：無骨係一個賣點，實在食得好方便。平時比較少食春雞，呢度整既春雞，肉juicy又嫩，好食。一試愛上。芝士忌廉焗薯：係potato gratin，薯仔切片加忌廉汁煮，再加芝士焗。薯仔索左忌廉汁，但
早排係yxxxx! 又見到呢度有啤酒節套餐團購，仲多左個四人餐揀，二話不說，即刻買左張四人餐約阿亨同朋友啤一啤
揀左星期四晚去，七點半到，已經full左大半。
好喜歡隻啤酒杯，有啤酒節貼紙，有feel。
四人啤酒節套餐相當豐富，上檯果陣，大家都"嘩"左一聲。(我冇，因為我有睇過相)食物包括四客是日餐湯、德國併盤(什錦香腸、燒豬手、燒無骨春雞、芝士忌廉焗薯、燒蔬菜)、當然仲有四枝啤酒。
是日餐湯：果晚係雜菜湯。湯夠熱，portion又大，味道唔錯。
什錦香腸：一共有五款腸，每條都燒到有grill紋，好吸引。當中有我喜愛既紐倫堡腸，正！
燒豬手：皮非常脆，一落刀切果下，好似切薯片。豬手唔乾身亦唔太鹹。
燒無骨春雞：無骨係一個賣點，實在食得好方便。平時比較少食春雞，呢度整既春雞，肉juicy又嫩，好食。一試愛上。
芝士忌廉焗薯：係potato gratin，薯仔切片加忌廉汁煮，再加芝士焗。薯仔索左忌廉汁，但唔會太腍，夾埋芝士食，非常好味！我地三下手勢已經食哂成兜，仲有d唔夠喉。
燒蔬菜：用串針串好黎燒，有蘆筍、洋蔥、甘筍仔、菠蘿、意大利瓜同三色椒，賣相好好。
呢個套餐確係好抵食，份量夠，四個人要食哂有d難度。
飲下酒傾下計，又食左個幾鐘，滿足
題外話/補充資料：
一如以往，服務態度好好。
呢度其他野食都唔錯，喜歡食意粉、漢堡同扒類o既人可以黎試試。
(以上食評乃用戶個人意見 , 並不代表OpenRice之觀點。)
張貼
