影片
更多
2015-08-09
1542 瀏覽
放假日都大早起身，喺旺角唱完K-Lunch，再去長沙灣交收，尾站就去九龍灣陪朋友Body Check，晚飯就自然係九龍灣搵食。為免晚飯時間多人，所以我地早早5:30pm就去開餐，目標就係School Food，啱晒~呢間我未食過，可以試新野，正......問口店員好清楚講明用餐時間係75mins，冇問題先入去坐低，由於時間尚早，客人唔算多，大概三、四成滿，加上枱與枱之間唔會好迫，都叫做坐得舒服。睇左陣Menu，有人已經自動發板要點烏卒卒、廚師卡邦尼年糕，我都未知咩黎，冇所謂啦~咁反而仲有驚喜。先黎既烏卒卒，原來係墨魚汁飯卷，有2條一共14件，一啖一件，Size啱啱好，飯粒唔會鬆散，筷子夾起冇難度。黑咪蚊既飯卷，驟眼望只係見到米飯、墨魚，點知咬落仲多左份口感，原來係有泡菜。飯粒，煙韌分明，唔會一pat pat，墨魚煮得剛剛好，一咬就開，但不失墨魚既質感，而個汁甜甜地相當好味，但亦因為呢個汁，反而食唔出泡菜既微辣，但總括黎講，呢個值得推介。之後送到既係卡邦尼年糕，一如其名，咪就係卡邦尼汁煮年糕，朋友話呢個超好味，奶黃色既醬汁既加上煙肉香草做點綴，賣相都叫做吸引，不過呢款卡邦尼汁唔係杰撻撻個
為免晚飯時間多人，所以我地早早5:30pm就去開餐，目標就係School Food，啱晒~呢間我未食過，可以試新野，正......
問口店員好清楚講明用餐時間係75mins，冇問題先入去坐低，由於時間尚早，客人唔算多，大概三、四成滿，加上枱與枱之間唔會好迫，都叫做坐得舒服。
睇左陣Menu，有人已經自動發板要點烏卒卒、廚師卡邦尼年糕，我都未知咩黎，冇所謂啦~咁反而仲有驚喜。先黎既烏卒卒，原來係墨魚汁飯卷，有2條一共14件，一啖一件，Size啱啱好，飯粒唔會鬆散，筷子夾起冇難度。黑咪蚊既飯卷，驟眼望只係見到米飯、墨魚，點知咬落仲多左份口感，原來係有泡菜。
飯粒，煙韌分明，唔會一pat pat，墨魚煮得剛剛好，一咬就開，但不失墨魚既質感，而個汁甜甜地相當好味，但亦因為呢個汁，反而食唔出泡菜既微辣，但總括黎講，呢個值得推介。
之後送到既係卡邦尼年糕，一如其名，咪就係卡邦尼汁煮年糕，朋友話呢個超好味，奶黃色既醬汁既加上煙肉香草做點綴，賣相都叫做吸引，不過呢款卡邦尼汁唔係杰撻撻個種，而係啱啱好可以掛落食物度，香濃creamy得黎唔會好漏，唔錯.....但另一主角年糕就麻麻地，雖然唔稱得上硬，但我覺得可以煮諗少少會更好，配上煙肉、洋蔥、粉絲，撈汁食最好。
個汁真係唔錯，但我就覺得配上年糕不算太夾，因為年糕難煮得入味，所以只係得年糕表面有掛汁，內裡都係冇味，亦食唔到米香，如果配上其他主食可能會好D。
密密食密密食，發覺都唔係好夠，所以我地就嗌多個水冷麵，炎夏間既一個消暑涼品，店員會問我地要唔要剪開麵條，當然剪啦，方便夾嘛~酸酸既湯汁加上碎冰，相當透心涼，再將碗底既辣醬撈衡，酸辣涼一下子感受晒，麵條屬於幼身，食落煙煙韌韌又唔糊口，再配上青瓜絲同薄薄既梨片，酸辣冰爽一下子感受晒，正。
Overall所有食物都好味，賣相都幾好，隻碟就夠大，不過份量真係唔多，我地清晒枱面野食再坐多陣都冇俾人趕埋單，75mins既用膳時間，如果人多想食多少少野都未必夠，但我地人少少就啱啱好。
張貼
