影片
更多
2013-06-13
1111 瀏覽
朋友聚會 .... 約去鳴門開飯 ~係無 book 位的情況下去，都有d驚，驚無位....不過好彩，對面間西餐廳就無位，而我地去果間就仲有位 ~~ 未入門口都循例睇下 menu發現原來mon-fri 6pm-8pm 都做梗半價wow... 真係好抵喎 ~~ 就入去坐低等朋友問下個侍應生，佢話計落單時間，咁就拿拿聲叫左d先啦因為我入到去都已經 19:35 到喇，再等連叫都無得叫啊 !!!!由於朋友未到，循例上都要問下佢有咩想食有咩唔食架問完佢都係叫我話事，就叫左d想食既野先啦落左一轉order之後，朋友就到喇睇一睇個menu....再落第二轉.....如是者.....由於8pm前截半價單我地係10mins內落左3次單，我估.....d侍應都覺得我地有d煩 ~~ XDDDD首先推介油甘魚薄切刺身，雖然係薄切，但都食到好鮮甜 ~~跟住海膽刺身就反而遜色左~~ 個樣就幾好，不過一夾落去就會溶，唔夠硬淨.....唔知呢D係咪叫好野，不過我個人黎講覺得唔係幾OK~~叫左一大堆串燒，最好味應該係牛舌，不過腌料有少少重，蓋左少少牛味 ~仲有個牛筋肉都唔錯 ~ 呢個牛味會濃少少，喜牛的可以一嘗呀 !!!
係無 book 位的情況下去，都有d驚，驚無位....
不過好彩，對面間西餐廳就無位，
而我地去果間就仲有位 ~~
未入門口都循例睇下 menu
發現原來mon-fri 6pm-8pm 都做梗半價
wow... 真係好抵喎 ~~ 就入去坐低等朋友
問下個侍應生，佢話計落單時間，咁就拿拿聲叫左d先啦
因為我入到去都已經 19:35 到喇，再等連叫都無得叫啊 !!!!
由於朋友未到，循例上都要問下佢有咩想食有咩唔食架
問完佢都係叫我話事，就叫左d想食既野先啦
落左一轉order之後，朋友就到喇
睇一睇個menu....再落第二轉.....如是者.....由於8pm前截半價單
我地係10mins內落左3次單，我估.....d侍應都覺得我地有d煩 ~~ XDDDD
首先推介油甘魚薄切刺身，雖然係薄切，但都食到好鮮甜 ~~
跟住海膽刺身就反而遜色左~~
個樣就幾好，不過一夾落去就會溶，唔夠硬淨.....
唔知呢D係咪叫好野，不過我個人黎講覺得唔係幾OK~~
叫左一大堆串燒，最好味應該係牛舌，不過腌料有少少重，蓋左少少牛味 ~
仲有個牛筋肉都唔錯 ~ 呢個牛味會濃少少，喜牛的可以一嘗呀 !!!!!
其實佢D燒物真係燒得好好，唔會太燶，
不過如果睇相，會見到右下角果幾粒日本蕃薯仔層皮係燶左少少架 ~
不過佢除左層皮燶左少少之後，個芯係甜既，可以放心食物啊 !!!!
芝士翠肉瓜就好似普通左D，不過欣賞佢件翠肉瓜燒完之後都仲可以keep到有汁，好正!!!!
多春魚好多時係出邊食會燒到乾哂，好似淨係食梗魚乾咁，
但係呢度唔會，燒完仲有肉，d春仲會係你口中爆 (即係有咬口)，唔會食魚乾架 !!!
條雞肉腸因為得一條，所以我無食到，朋友食左話一般，無咩特別
雞腎就好爽口，唔會有被燒乾的感覺 ~
天婦羅拼盤好正，有3隻蝦同埋5件蔬菜，隻蝦唔多炸粉，食落仲有蝦味，唔錯 !!!
燒鯖魚好肥美，雖然塊皮係燶左，但係佢d肉仲好軟滑，正!!!
呢個軟殼蟹炒飯真係不得了，d料係多過飯架，
原本諗住叫個飯好讓朋友友都叫有飯落肚，撐飽d ~~
不過好彩之前d野都令佢有飽意，如果唔係都唔知撐......
呢個炒飯真係相當之足料，軟殼蟹有4大件不在話下，仲有蟹籽、紫菜同埋蟹柳
(當然仲有蛋啦) 加咁多野炒，炒完淨係見料不見飯，好正呀 !!!!
而呢個拖羅蓉冷豆腐都幾好味 ~
可能話係將壽司舊飯變左做豆腐.... 加d汁 ~
因為加左芝麻，好香 ~ 不過拖羅都仲算新鮮，仲有鮮味 !!!!!
最後仲叫左支清酒開心下 ~~ yea !!!!!!
呢支酒係凍飲 (係職員推介的)
其實....我唔係太識飲清酒，不過都覺得味道ok ~
唯獨朋友仔可能平時飲開紅酒，會覺得呢隻酒有d "拿喉" ~
月桂冠清酒
月桂冠清酒
月桂冠清酒
題外話/補充資料：
呢度食飯幾好，坐幾陣都唔會有人趕，唯獨要趕上「激安」優惠的就要早到了 ~
同埋餐廳d檯都算大，職員都好細心，可以加分呀 !!!!!
(以上食評乃用戶個人意見 , 並不代表OpenRice之觀點。)
張貼