影片
更多
2017-07-13
177 瀏覽
唔知由幾時開始，就將啲蝴蝶酥、千層酥之類嘅小食放咗入曲奇系列嘅食評中，啱啱收到公關好友心意，喺嚟自「奇華餅家」嘅香脆酥條，咁就抽少少水索性放埋入「好友狂嚐曲」系列中。原來呢款產品喺奇華嘅新品，仲喺有多款口味。今次所收到嘅有4款口味，包括：芝士酥條、辣味蒜香酥條、南瓜籽芝麻酥條及金華火腿酥條，每款都以15條作為包裝。芝士酥條感覺上喺比較簡單及大路嘅口味，但見到粒粒芝士碎烘過嘅痕跡，所以，芝士嘅鹹香味幾濃郁，況且，佢哋嘅酥條底做得酥脆富牛油香。辣味蒜香酥條喺咁多款最惹味嘅一款味道，非常好食，晌惹味嘅蒜香中，滲出絲絲微辣，有啲人可能嫌佢唔太刺激，但唔食辣嘅朋友就會認定啱啱好。南瓜籽芝麻酥條酥條面面黐滿晒南瓜籽及白芝麻，晌酥脆嘅口感之上，添加多一朕朕咬口嘅口感，好有層次，不過，晌眾多款口味中喺比較淡薄嘅一款口味，主要喺食其口感。金華火腿酥條本身啲酥條已帶少少鹹味，加埋金華火腿就更鹹香突出，雖然佢包裝後面有註明成份包括金華火腿，但口感上，感覺又似乎唔太明顯。今次奇華更出埋熊貓餐具套裝，一隻碗、一隻碟，有粉藍或粉紅兩款，賣相幾精緻，一套定價為$98，但31/7前，買滿$100產品，就可以以優惠價$
今次所收到嘅有4款口味，包括：芝士酥條、辣味蒜香酥條、南瓜籽芝麻酥條及金華火腿酥條，每款都以15條作為包裝。
芝士酥條感覺上喺比較簡單及大路嘅口味，但見到粒粒芝士碎烘過嘅痕跡，所以，芝士嘅鹹香味幾濃郁，況且，佢哋嘅酥條底做得酥脆富牛油香。
辣味蒜香酥條喺咁多款最惹味嘅一款味道，非常好食，晌惹味嘅蒜香中，滲出絲絲微辣，有啲人可能嫌佢唔太刺激，但唔食辣嘅朋友就會認定啱啱好。
南瓜籽芝麻酥條酥條面面黐滿晒南瓜籽及白芝麻，晌酥脆嘅口感之上，添加多一朕朕咬口嘅口感，好有層次，不過，晌眾多款口味中喺比較淡薄嘅一款口味，主要喺食其口感。
金華火腿酥條本身啲酥條已帶少少鹹味，加埋金華火腿就更鹹香突出，雖然佢包裝後面有註明成份包括金華火腿，但口感上，感覺又似乎唔太明顯。
今次奇華更出埋熊貓餐具套裝，一隻碗、一隻碟，有粉藍或粉紅兩款，賣相幾精緻，一套定價為$98，但31/7前，買滿$100產品，就可以以優惠價$48換到一套。
多謝好友一口氣送小弟4包香脆酥條，部份跟同事分享當下午，又拎啲返屋企同老婆當餐後小零食，總之好嘢就要共享嘅。
題外話/補充資料：
因為喺朋友送贈，所以，幾個細項評分（環境、服務、衛生、抵食）嘅參考值唔大。
(以上食評乃用戶個人意見 , 並不代表OpenRice之觀點。)
張貼
