又一棧 (已結業)

上個星期六，難得見一班好難先見到面嘅朋友，所以一心諗住坐得舒服啲，就訂咗去又一棧食午飯，飲茶。又一棧話要個半鐘頭交枱，但食咗45分鐘，個部長就飛個dessert menu過嚟，我哋啲嘢食都未嚟齊，但算，點知之後嗰窩年糕，個侍應未問我哋分唔分，又未畀我哋睇窩面嘅樣，就分晒一碗碗攞上嚟，真係呆咗...都算…之後，我朋友啱啱食完碗年糕，擺低隻匙更，個部長就即刻收咗佢個碗，係即刻啊！！我哋食完碗年糕，距離交枱時間仲有15分鐘，我哋都未叫埋單，就有人攞張單過嚟，再之後更加經典，就係啱啱夠鐘，個知客就同我哋講「出面有人等緊呢張枱呀！」…好嘞，我非常不滿，問佢哋攞公司投訴電話，侍應同知客都話冇㗎，但最後我喺網上攞到美心集團嘅投訴電話…總括而言，呢間嘢不知所謂，5星級裝修，賓館級服務。食物方面，仲算可以，因為好咸，所以一定有味。我哋當日食咗點心併盤，三鮮湯年糕，咸、仲有啲小籠包，無湯，山煎包(應該算係最好味嗰樣)等等，5個人，每人$200，發誓以後都唔會再嚟！完。(仲㷫緊！！)